దర్శకధీరుడు రాజమౌళి, తమిళ స్టార్ హీరో సూర్య Suriya కాంబినేషన్పై చాలాకాలంగా సినీ అభిమానుల్లో ఆసక్తికరమైన చర్చ జరుగుతోంది. వీరిద్దరి కలయికలో సినిమా వస్తే ఎలా ఉంటుందనే ఊహాగానాలు తరచూ సోషల్ మీడియాలో కనిపిస్తుంటాయి. తాజాగా చెన్నైలో జరిగిన ‘డోంట్ ట్రబుల్ ది ట్రబుల్’ సినిమా కార్యక్రమంలో ఇదే అంశంపై రాజమౌళికి ప్రశ్న ఎదురైంది.
సూర్యతో కలిసి సినిమా చేసే అవకాశం ఉందా అని అడగగా, ఇలాంటి ప్రశ్న తనకు వస్తుందని ముందే తెలుసని రాజమౌళి సరదాగా స్పందించారు. అయితే ఈ సమయంలో తమ కాంబినేషన్కు సంబంధించిన ఎలాంటి వివరాలను వెల్లడించడానికి ఆయన ఆసక్తి చూపలేదు. ఏదైనా పెద్ద అప్డేట్ బయటకు వస్తే అది క్షణాల్లో వైరల్ అయ్యే అవకాశం ఉందని, దాని ప్రభావం ప్రస్తుతం ప్రచారంలో ఉన్న ‘డోంట్ ట్రబుల్ ది ట్రబుల్’ సినిమాపై పడొచ్చని ఆయన తెలిపారు.
అయితే రాజమౌళి చేసిన మరో వ్యాఖ్య మాత్రం అభిమానుల్లో ఆసక్తిని పెంచింది. భవిష్యత్తులో తాను, సూర్య కలిసి పనిచేసే అవకాశం వస్తే అది తప్పకుండా ప్రత్యేకమైన చిత్రంగా ఉండొచ్చనే విధంగా ఆయన స్పందించారు. దీంతో వీరిద్దరి కాంబినేషన్పై మరోసారి చర్చ మొదలైంది.
ఈ కార్యక్రమంలో రాజమౌళి మాట్లాడుతున్న సమయంలో ముందు వరుసలో కూర్చున్న సూర్య కూడా నవ్వుతూ కనిపించారు. రాజమౌళి వ్యాఖ్యలకు సూర్య ఇచ్చిన రియాక్షన్ కూడా అక్కడి వారిని ఆకట్టుకుంది. అయితే వీరిద్దరి కాంబినేషన్పై ఎలాంటి అధికారిక ప్రకటన మాత్రం ఇప్పటివరకు రాలేదు.
ప్రస్తుతం రాజమౌళి సూపర్ స్టార్ మహేష్ బాబుతో ‘వారణాసి’ సినిమాను తెరకెక్కిస్తున్న విషయం తెలిసిందే. మరోవైపు సూర్య కూడా తన వరుస ప్రాజెక్టులతో బిజీగా ఉన్నారు. ఈ నేపథ్యంలో రాజమౌళి, సూర్య కాంబినేషన్ ఎప్పుడు తెరపైకి వస్తుందనే ఆసక్తి మాత్రం అభిమానుల్లో కొనసాగుతోంది.
