తెలంగాణలోని జూనియర్ కళాశాలలకు సెప్టెంబరు 28 నుంచి అక్టోబరు 9 వరకు సెలవులు ఇవ్వనున్నారు. అక్టోబరు 10న తిరిగి కళాశాలలు తెరచుకుంటాయి. రాష్ట్రంలోని అన్ని ప్రభుత్వ, ప్రైవేట్ జూనియర్ కళాశాలలకు ఈ సెలవులు వర్తించనున్నాయి. ఈ మేరకు ఇంటర్ బోర్డు కార్యదర్శి సయ్యద్ ఒమర్ జలీల్ ఒక ప్రకటనలో తెలిపారు.
సెలవు రోజుల్లో తరగతులు నిర్వహించే కళాశాలలపై కఠిన చర్యలు ఉంటాయని ఆయన హెచ్చరించారు. కళాశాల మారాలనుకునే విద్యార్థులు సెప్టెంబరు 30 వరకు అవకాశం కల్పిస్తున్నట్లు జలీల్ తెలిపారు.
ఇదిలా ఉండగా.. రాష్ట్రంలోని అన్ని యూనివర్సిటీల పరిధిలోని డిగ్రీ కళాశాలలకు కూడా సెప్టెంబరు 28 నుంచే దసరా సెలవులు ఇవ్వనున్నారు. అయితే కళాశాలల పునఃప్రారంభం మాత్రం ఒక్కో యూనివర్సిటీ ఒక్కో విధంగా ఉన్నాయి. కొన్ని యూనివర్సిటీలు అక్టోబరు 10న తెరచుకోనుండగా.. మరికొన్ని యూనివర్సిటీల పరిధిలోని కళాశాలలు అక్టోబరు 12న తిరిగి ప్రారంభంకానున్నాయి.
.