యంగ్ హీరో కిరణ్ అబ్బవరం ప్రస్తుతం ‘చెన్నై లవ్ స్టోరీ’ విజయంతో మంచి జోష్లో ఉన్నారు. ఇదే సమయంలో తన కెరీర్లోనే భారీ బడ్జెట్తో తెరకెక్కబోతున్న ఓ పౌరాణిక చిత్రానికి గ్రీన్ సిగ్నల్ ఇచ్చారు. ప్రేరణ అరోరా, జీ స్టూడియోస్ సంయుక్తంగా నిర్మించనున్న ఈ సినిమాకు ‘ఇంద్రపుత్ర’ అనే టైటిల్ను ఖరారు చేసినట్లు ఇప్పటికే వెల్లడైంది.
పాన్ ఇండియా స్థాయిలో రూపొందనున్న ఈ సినిమాపై మొదటి నుంచే ఆసక్తి నెలకొంది. తాజాగా ఈ చిత్రానికి సంబంధించి మరో ఆసక్తికరమైన వార్త సినీ వర్గాల్లో వినిపిస్తోంది. సీనియర్ హీరో డాక్టర్ రాజశేఖర్ కూడా ‘ఇంద్రపుత్ర’లో Indraputra కీలక పాత్రలో నటించబోతున్నట్లు సమాచారం.
ఈ సినిమాలో రాజశేఖర్ పోషించే పాత్ర చాలా ప్రత్యేకంగా ఉంటుందని తెలుస్తోంది. అంతేకాకుండా ఆయన లుక్ కూడా ఇప్పటివరకు కనిపించని విధంగా పూర్తిగా కొత్తగా ఉండబోతుందని టాక్. అయితే ఆయన పాత్రకు సంబంధించిన పూర్తి వివరాలను చిత్ర బృందం ఇంకా అధికారికంగా వెల్లడించాల్సి ఉంది.
ఇక ‘కాంతార: చాప్టర్ 1’ చిత్రానికి ఫస్ట్ అసిస్టెంట్ డైరెక్టర్గా పనిచేసిన శ్రీకాంత్ పుప్పాల ‘ఇంద్రపుత్ర’కు దర్శకత్వం వహిస్తున్నారు. భారీ స్థాయిలో పౌరాణిక ప్రపంచాన్ని ఆవిష్కరించేలా ఈ సినిమాను తెరకెక్కించేందుకు మేకర్స్ సన్నాహాలు చేస్తున్నారు.
ఈ సినిమా షూటింగ్ అక్టోబర్లో ప్రారంభం కానున్నట్లు తెలుస్తోంది. కీర్తన్ సహ నిర్మాతగా వ్యవహరిస్తున్న ఈ చిత్రం, నిర్మాతలు రూపొందించనున్న పౌరాణిక కథా ప్రపంచానికి తొలి భాగంగా ఉండబోతున్నట్లు సమాచారం.
కిరణ్ అబ్బవరం కెరీర్లోనే భారీ బడ్జెట్తో తెరకెక్కుతున్న ఈ ప్రాజెక్ట్ను పాన్ ఇండియా స్థాయిలో విడుదల చేయడానికి మేకర్స్ ప్లాన్ చేస్తున్నారు. ప్రస్తుతం సినిమాకు సంబంధించిన ప్రీ-ప్రొడక్షన్ పనులు జరుగుతున్నాయి. త్వరలోనే ఇందులో నటించే ఇతర నటీనటులు, సాంకేతిక నిపుణులతో పాటు కథ, పాత్రలకు సంబంధించిన మరిన్ని వివరాలను అధికారికంగా ప్రకటించే అవకాశం ఉంది.