మాస్ మహారాజ రవితేజ నటించిన తాజా చిత్రం ‘ఇరుముడి’ (Irumudi) కోసం తెలుగు సినీ ప్రేక్షకులు ఆసక్తిగా ఎదురుచూస్తున్నారు. శివ నిర్వాణ దర్శకత్వంలో తెరకెక్కిన ఈ ఎమోషనల్ యాక్షన్ థ్రిల్లర్పై మొదటి నుంచే మంచి అంచనాలు నెలకొన్నాయి. చాలా కాలం తర్వాత రవితేజ నుంచి వస్తున్న ఈ సినిమా కావడంతో అభిమానులతో పాటు సాధారణ ప్రేక్షకుల్లోనూ ఆసక్తి పెరిగింది.
ఈ నేపథ్యంలో సినిమాకు సంబంధించిన తాజా అప్డేట్ బయటకు వచ్చింది. ‘ఇరుముడి’ సెన్సార్ కార్యక్రమాలను పూర్తి చేసుకున్నట్లు తెలుస్తోంది. సెన్సార్ బోర్డు ఈ చిత్రానికి యూ/ఏ సర్టిఫికెట్ జారీ చేసింది. దీంతో కుటుంబ ప్రేక్షకులు కూడా ఈ సినిమాను థియేటర్లలో వీక్షించే అవకాశం ఉంది.
ఇక సినిమా రన్టైమ్ విషయానికి వస్తే.. ‘ఇరుముడి’ని మేకర్స్ ఎక్కువ నిడివితో కాకుండా 2 గంటల 25 నిమిషాల రన్టైమ్తో లాక్ చేసినట్లు సమాచారం. కథకు అవసరమైన అంశాలను మాత్రమే ఉంచుతూ నిడివిని కంట్రోల్ చేయడం సినిమాకు ప్లస్గా మారే అవకాశం ఉంది.
ఈ చిత్రంలో రవితేజ సరసన ప్రియా భవానీ శంకర్ కథానాయికగా నటించారు. సాయికుమార్, అజయ్ ఘోష్, స్వాసిక తదితరులు కీలక పాత్రల్లో కనిపించనున్నారు. ఏజెన్సీ ప్రాంతాల్లోని సహజమైన లొకేషన్లలో సినిమాను తెరకెక్కించినట్లు తెలుస్తోంది.
ఈ సినిమాకు జీవీ ప్రకాష్ కుమార్ సంగీతం అందిస్తున్నారు. మైత్రి మూవీ మేకర్స్ ఈ చిత్రాన్ని నిర్మిస్తోంది. భారీ అంచనాల మధ్య ‘ఇరుముడి’ ఈ నెల 21న తెలుగు, తమిళ భాషల్లో ప్రేక్షకుల ముందుకు రానుంది.