మాస్ మహారాజ రవితేజ హీరోగా, ప్రియా భవాని శంకర్ కథానాయికగా నటించిన తాజా చిత్రం ‘ఇరుముడి’ Irumudi. దర్శకుడు శివ నిర్వాణ తెరకెక్కించిన ఈ సినిమా భారీ అంచనాల మధ్య ప్రేక్షకుల ముందుకు వచ్చి సెన్సేషనల్ హిట్గా నిలిచింది. రిలీజ్ అయినప్పటి నుంచి బాక్సాఫీస్ వద్ద ఈ మూవీ జోరు కొనసాగుతూనే ఉంది.
ముఖ్యంగా తెలుగు రాష్ట్రాల్లో ‘ఇరుముడి’ వరుసగా కొత్త రికార్డులను సొంతం చేసుకుంటూ దూసుకెళ్తోంది. తాజాగా ఈ సినిమా మరో అరుదైన ఫీట్ సాధించినట్లు మేకర్స్ వెల్లడించారు. సాధారణంగా పండుగ సీజన్లో సినిమాలకు భారీగా టికెట్ సేల్స్ నమోదవుతుంటాయి. కానీ ఎలాంటి పండుగ సీజన్ లేకుండానే వర్కింగ్ డేస్లో ‘ఇరుముడి’ సరికొత్త రికార్డ్ క్రియేట్ చేసినట్లు చిత్ర బృందం తెలిపింది.
ఈ సోమవారం, మంగళవారం, బుధవారం మూడు రోజుల్లో అత్యధిక టికెట్లను విక్రయించిన రీజనల్ సినిమాగా ‘ఇరుముడి’ రికార్డు సాధించినట్లు మేకర్స్ ప్రకటించారు. వర్కింగ్ డేస్లోనూ ఈ స్థాయిలో టికెట్ సేల్స్ రావడం సినిమాకు ఉన్న క్రేజ్ను చూపిస్తోంది.
ఈ రికార్డు రవితేజ కెరీర్లోనే కాకుండా టాలీవుడ్లోనూ ప్రత్యేకమైన ఫీట్గా నిలిచిందని చిత్ర బృందం పేర్కొంది. సినిమా విడుదలై రోజులు గడుస్తున్న కొద్దీ మరింత బలమైన వసూళ్లను రాబడుతుండటంతో ‘ఇరుముడి’ హవా ఎక్కడి వరకు కొనసాగుతుందనేది ఆసక్తికరంగా మారింది.
ఈ చిత్రానికి జీవీ ప్రకాష్ కుమార్ సంగీతం అందించగా, మైత్రి మూవీ మేకర్స్ భారీ స్థాయిలో నిర్మించింది. రవితేజ కెరీర్లో మరో విజయంగా నిలిచిన ‘ఇరుముడి’ ప్రస్తుతం బాక్సాఫీస్ వద్ద తన జోరును కొనసాగిస్తోంది.
