సూపర్ స్టార్ రజినీకాంత్, దర్శకుడు నెల్సన్ దిలీప్కుమార్ కాంబినేషన్లో తెరకెక్కుతున్న మోస్ట్ అవైటెడ్ సీక్వెల్ ‘జైలర్ 2’ Jailer 2. తొలి భాగం భారీ విజయాన్ని అందుకోవడంతో ఈ సినిమాపై మొదటి నుంచే అంచనాలు భారీగా ఉన్నాయి. ప్రస్తుతం ఈ చిత్రానికి సంబంధించిన ఒక్కో అప్డేట్ను మేకర్స్ వరుసగా విడుదల చేస్తూ అభిమానుల్లో ఆసక్తిని పెంచుతున్నారు.
ఇప్పటికే ఈ సినిమా నుంచి విడుదలైన ఫస్ట్ సింగిల్కు మంచి స్పందన వచ్చింది. దీంతో ఇప్పుడు రెండో పాట కోసం అభిమానులు ఆసక్తిగా ఎదురుచూస్తున్నారు. ఈ క్రమంలో మేకర్స్ ‘జైలర్ 2’ నుంచి మరో మాస్ సాంగ్ను విడుదల చేయనున్నట్లు అధికారికంగా ప్రకటించారు.
తాజాగా ఈ పాటకు సంబంధించిన టైమింగ్ను కూడా మేకర్స్ లాక్ చేశారు. రజినీకాంత్ స్టైలిష్ లుక్తో కూడిన కొత్త పోస్టర్ను విడుదల చేస్తూ, ఈరోజు సాయంత్రం 6 గంటలకు ‘వన్ సన్ వన్ మూన్’ పాటను విడుదల చేయనున్నట్లు వెల్లడించారు. దీంతో సూపర్ స్టార్ అభిమానుల్లో సందడి మొదలైంది.
ఇప్పటికే తన మ్యూజిక్తో సినిమాపై హైప్ పెంచుతున్న అనిరుధ్ రవిచందర్, ఈసారి ‘వన్ సన్ వన్ మూన్’ కోసం ఎలాంటి మాస్ ట్యూన్ అందించాడనే ఆసక్తి నెలకొంది. పాట విడుదలైన తర్వాత ప్రేక్షకుల స్పందన ఎలా ఉంటుందో చూడాలి.
‘జైలర్ 2’ను సన్ పిక్చర్స్ సంస్థ భారీ స్థాయిలో నిర్మిస్తోంది. రజినీకాంత్, నెల్సన్ కాంబినేషన్పై ఉన్న క్రేజ్కు తగ్గట్టుగా సినిమాను రూపొందిస్తున్నట్లు తెలుస్తోంది. ఇక ఈ చిత్రాన్ని అక్టోబర్ 15న గ్రాండ్గా థియేటర్లలో విడుదల చేసేందుకు మేకర్స్ సన్నాహాలు చేస్తున్నారు.
