సూపర్ స్టార్ రజినీకాంత్, దర్శకుడు నెల్సన్ దిలీప్‌కుమార్ కాంబినేషన్‌లో తెరకెక్కుతున్న మోస్ట్ అవైటెడ్ సీక్వెల్ ‘జైలర్ 2’పై Jailer 2 భారీ అంచనాలు నెలకొన్నాయి. గతంలో వచ్చిన ‘జైలర్’ ప్రపంచవ్యాప్తంగా ఘన విజయాన్ని అందుకోవడంతో, దానికి కొనసాగింపుగా వస్తున్న ఈ చిత్రంపై మొదటి నుంచే భారీ క్రేజ్ ఏర్పడింది.
తొలి భాగంలో రజినీకాంత్ మాస్ ఇమేజ్‌తో పాటు అతిథి పాత్రలు, అనిరుధ్ సంగీతం సినిమాకు ప్రధాన ఆకర్షణలుగా నిలిచాయి. ఇప్పుడు సీక్వెల్ కూడా అదే స్థాయిలో ప్రేక్షకులను అలరిస్తుందనే అంచనాలతో అభిమానులు ఆసక్తిగా ఎదురుచూస్తున్నారు.
ఇక సినిమా విడుదలకు సమయం దగ్గరపడుతున్న నేపథ్యంలో ఓవర్సీస్ మార్కెట్‌లో అడ్వాన్స్ బుకింగ్స్ జోరందుకున్నాయి. ముఖ్యంగా అమెరికాలో ‘జైలర్ 2’కు మంచి స్పందన లభిస్తున్నట్లు ట్రేడ్ వర్గాల సమాచారం. కేవలం ప్రీమియర్ షోల బుకింగ్స్ ద్వారానే ఈ చిత్రం సుమారు 4 లక్షల డాలర్ల గ్రాస్‌ను అందుకున్నట్లు తెలుస్తోంది.
ఈ జోరు ఇలాగే కొనసాగితే త్వరలోనే అమెరికా మార్కెట్‌లో హాఫ్ మిలియన్ డాలర్ల మైలురాయిని చేరుకునే అవకాశం ఉందని ట్రేడ్ వర్గాలు అంచనా వేస్తున్నాయి. గతంలో ‘జైలర్’ కూడా యూఎస్‌లో మంచి వసూళ్లు సాధించడంతో, ఇప్పుడు సీక్వెల్ ఏ స్థాయి నంబర్స్ నమోదు చేస్తుందనేది ఆసక్తికరంగా మారింది.
అనిరుధ్ రవిచందర్ సంగీతం అందిస్తున్న ఈ భారీ యాక్షన్ ఎంటర్‌టైనర్‌ను సన్ పిక్చర్స్ నిర్మిస్తోంది. విడుదలకు ముందే ఓవర్సీస్ బుకింగ్స్‌లో కనిపిస్తున్న ఈ స్పందనతో ‘జైలర్ 2’పై అంచనాలు మరింత పెరిగాయి. మరి సినిమా విడుదలైన తర్వాత బాక్సాఫీస్ వద్ద రజినీకాంత్ ఎలాంటి వసూళ్లు సాధిస్తారో చూడాలి.
