కృష్ణాష్టమి సందర్భంగా భక్తిరస చిత్రం ‘కృష్ణంభజే’ ఫస్ట్ లుక్ను సీనియర్ నటుడు బ్రహ్మాజీ సోషల్ మీడియా ద్వారా విడుదల చేశారు. నాగరాజ్ కొట్టే దర్శకత్వంలో తెరకెక్కుతున్న ఈ సినిమాలో బ్రహ్మాజీ కీలకమైన మార్కండేయుడి పాత్రలో కనిపించనున్నారు. జయశ్రీ మీడియా సమర్పణలో కలాల్ శ్రీనివాస్ ఈ చిత్రాన్ని నిర్మిస్తున్నారు.
తాజాగా విడుదలైన ఫస్ట్ లుక్ పోస్టర్లో బ్రహ్మాజీ కాషాయ వస్త్రాలు ధరించి, మెడలో రుద్రాక్ష మాలలు, చేతిలో ఆయుధంతో ఆధ్యాత్మిక రూపంలో ఆకట్టుకుంటున్నారు. పౌరాణిక, భక్తిరస అంశాలను మేళవిస్తూ ఈ చిత్రాన్ని రూపొందిస్తున్నారు.
ఈ సినిమాకు నాగరాజ్ కొట్టే కథను అందించడంతో పాటు దర్శకత్వ బాధ్యతలు కూడా నిర్వహిస్తున్నారు. నటుడు రచ్చ రవి సంభాషణలు రాశారు. కథలో భక్తి, పౌరాణిక అంశాలకు ప్రాధాన్యత ఉంటుందని చిత్ర యూనిట్ చెబుతోంది.
‘కృష్ణంభజే’లో Krishnam Bhaje ప్రదీష్ హీరోగా, వంగమయి పటేల్ హీరోయిన్గా నటిస్తున్నారు. వీరితో పాటు మురళీ గౌడ్, రచ్చ రవి, అభయ్ బేతిగంటి, గౌతమ్ రాజు, దయానంద్ రెడ్డి, యాదమ్మ రాజు తదితరులు ముఖ్యమైన పాత్రల్లో కనిపించనున్నారు.
ప్రస్తుతం ఈ సినిమా షూటింగ్ దశలో ఉంది. త్వరలోనే ‘కృష్ణంభజే’ టీజర్తో పాటు విడుదల తేదీకి సంబంధించిన వివరాలను అధికారికంగా ప్రకటించనున్నట్లు చిత్ర నిర్మాణ సంస్థ వెల్లడించింది. కృష్ణాష్టమి సందర్భంగా విడుదలైన బ్రహ్మాజీ ఫస్ట్ లుక్ సినిమాపై ఆసక్తిని పెంచుతోంది.