ఈ ఏడాది టాలీవుడ్లో పలువురు హీరోలు మంచి సినిమాలతో సాలిడ్ కంబ్యాక్ ఇచ్చారు. ఆ జాబితాలో మెగా ప్రిన్స్ వరుణ్ తేజ్ కూడా నిలిచారు. వరుణ్ తేజ్ హీరోగా, రితికా నాయక్ హీరోయిన్గా నటించిన హారర్ కామెడీ డ్రామా ‘కొరియన్ కనకరాజు’. మేర్లపాక గాంధీ దర్శకత్వంలో తెరకెక్కిన ఈ సినిమా విడుదలకు ముందే మంచి బజ్ను సొంతం చేసుకుంది.
భారీ అంచనాల మధ్య థియేటర్లలోకి వచ్చిన ఈ చిత్రం ప్రేక్షకులను ఆకట్టుకుని మంచి విజయాన్ని అందుకుంది. హారర్, కామెడీ అంశాలను మేళవిస్తూ తెరకెక్కించిన ఈ సినిమా వరుణ్ తేజ్ కెరీర్లో మరో మంచి చిత్రంగా నిలిచింది.
ఇక థియేట్రికల్ రన్ పూర్తిచేసుకున్న ‘కొరియన్ కనకరాజు’ Korean Kanakaraju తాజాగా ఓటీటీలోకి కూడా వచ్చేసింది. ప్రముఖ స్ట్రీమింగ్ ప్లాట్ఫామ్ నెట్ఫ్లిక్స్ ఈ సినిమా డిజిటల్ హక్కులను సొంతం చేసుకుంది. తాజాగా ఈ మూవీ నెట్ఫ్లిక్స్లో స్ట్రీమింగ్కు అందుబాటులోకి వచ్చింది.
తెలుగుతో పాటు పాన్ ఇండియా స్థాయిలో మొత్తం ఐదు భాషల్లో ఈ సినిమా స్ట్రీమింగ్ అవుతోంది. దీంతో థియేటర్లలో ఈ సినిమాను మిస్ అయిన మూవీ లవర్స్, వరుణ్ తేజ్ అభిమానులు ఇప్పుడు ఓటీటీలో వీక్షించవచ్చు.
‘కొరియన్ కనకరాజు’కు థమన్ సంగీతం అందించగా, యూవీ క్రియేషన్స్ నిర్మాణ బాధ్యతలు చేపట్టింది. థియేటర్లలో ప్రేక్షకులను అలరించిన ఈ సినిమా ఓటీటీలో ఎలాంటి స్పందనను అందుకుంటుందో చూడాలి.
