మెగా ప్రిన్స్ వరుణ్ తేజ్ ఇప్పటివరకు చేసిన సినిమాల్లో వైవిధ్యమైన కథలను ఎంచుకుంటూ తనకంటూ ప్రత్యేక గుర్తింపు తెచ్చుకున్నారు. తాజాగా ఆయన నటించిన హారర్ కామెడీ ఎంటర్టైనర్ ‘కొరియన్ కనకరాజు’ (korean kanakaraju). మేర్లపాక గాంధీ దర్శకత్వం వహించిన ఈ సినిమా ప్రీమియర్స్ నుంచే పాజిటివ్ టాక్ను సొంతం చేసుకున్నట్లు తెలుస్తోంది. డే 1 కూడా బాక్సాఫీస్ దగ్గర మంచి వసూళ్లను రాబట్టినట్లు ట్రేడ్ వర్గాల సమాచారం.
గత 24 గంటల్లో ఆన్లైన్ టికెట్ బుకింగ్ ప్లాట్ఫామ్స్లో 2 లక్షలకు పైగా టికెట్లు అమ్ముడైనట్లు సమాచారం. ఇక ఈ సినిమా ప్రపంచవ్యాప్తంగా మొదటి రోజున సుమారు రూ.8 కోట్ల గ్రాస్ వసూళ్లను సాధించినట్లు ట్రేడ్ వర్గాలు చెబుతున్నాయి. వరుణ్ తేజ్ గత చిత్రాలతో పోలిస్తే ఇది మంచి ఓపెనింగ్గా నిలిచిందని చెప్పొచ్చు. దీంతో ‘కొరియన్ కనకరాజు’తో వరుణ్ తేజ్ సాలిడ్ మాస్ కంబ్యాక్ ఇచ్చినట్టేనని అభిమానులు భావిస్తున్నారు.
ఈ చిత్రంలో రితికా నాయక్ హీరోయిన్గా నటించగా, థమన్ సంగీతం అందించారు. యూవీ క్రియేషన్స్ బ్యానర్పై ఈ సినిమాను నిర్మించారు.
