మాస్ మహారాజ రవితేజ హీరోగా నటిస్తున్న మోస్ట్ అవైటెడ్ మూవీ ‘ఇరుముడి’ (Irumudi). రవితేజ గత చిత్రాలతో పోలిస్తే ఈ సినిమాపై మంచి హైప్ నెలకొంది. దర్శకుడు శివ నిర్వాణ తెరకెక్కిస్తున్న ఈ చిత్రం ప్రస్తుతం విడుదలకు సిద్ధమవుతోంది. ఈ క్రమంలో సినిమాకు సంబంధించిన థియేట్రికల్ ట్రైలర్ను మేకర్స్ గ్రాండ్గా విడుదల చేసేందుకు ఏర్పాట్లు చేస్తున్నారు.
నిజానికి ‘ఇరుముడి’ ట్రైలర్ను సినిమా విడుదలకు వారం రోజుల ముందు రిలీజ్ చేస్తారని వార్తలు వినిపించాయి. అయితే అభిమానులకు సర్ప్రైజ్ ఇస్తూ మేకర్స్ వారం రోజుల ముందుగానే ట్రైలర్ను ప్రేక్షకుల ముందుకు తీసుకురావాలని నిర్ణయించారు. తాజాగా రవితేజ మాస్ లుక్తో కూడిన పోస్టర్ను విడుదల చేసిన చిత్ర బృందం.. ఆగస్టు 12న ట్రైలర్ లాంచ్ చేయనున్నట్లు అధికారికంగా ప్రకటించింది.
భీమవరంలోని ఎస్ఆర్కేఆర్ ఇంజినీరింగ్ కాలేజ్ గ్రౌండ్స్లో భారీ ఈవెంట్ నిర్వహించి ట్రైలర్ను గ్రాండ్గా లాంచ్ చేయనున్నారు. దీంతో ట్రైలర్లో రవితేజను దర్శకుడు శివ నిర్వాణ ఏ రేంజ్లో చూపించారనే ఆసక్తి అభిమానుల్లో నెలకొంది.
ఇక ఈ చిత్రానికి జీవీ ప్రకాష్ కుమార్ సంగీతం అందిస్తుండగా, మైత్రి మూవీ మేకర్స్ నిర్మిస్తోంది. ‘ఇరుముడి’ ఆగస్టు 21న తెలుగు, తమిళ భాషల్లో ప్రపంచవ్యాప్తంగా థియేటర్లలో విడుదల కానుంది.
