మెగా పవర్ స్టార్ రామ్ చరణ్ ఇటీవల శస్త్రచికిత్స అనంతరం విశ్రాంతి తీసుకుంటూ కోలుకుంటున్నారు. ఆయన పూర్తిగా కోలుకున్న వెంటనే దర్శకుడు సుకుమార్ తెరకెక్కించనున్న RC17 షూటింగ్లో పాల్గొననున్నట్లు సమాచారం. ఇప్పటికే ఈ ప్రాజెక్ట్కు సంబంధించిన స్క్రిప్ట్ వర్క్ పూర్తవగా, ప్రస్తుతం నటీనటులు, సాంకేతిక బృందం ఎంపికపై మేకర్స్ దృష్టి పెట్టారు.
ఈ నేపథ్యంలో హీరోయిన్ ఎంపికపై ఆసక్తికర వార్తలు వినిపిస్తున్నాయి. కన్నడ నటి రుక్మిణి వసంత్ పేరు ప్రస్తుతం బలంగా ప్రచారంలో ఉంది. ఇప్పటికే జూనియర్ ఎన్టీఆర్ నటిస్తున్న ‘డ్రాగన్’ చిత్రంలో హీరోయిన్గా నటిస్తున్న రుక్మిణి, ఇప్పుడు RC17 కోసం కూడా మేకర్స్ తొలి ఎంపికగా ఉన్నట్లు సినీ వర్గాల్లో టాక్ వినిపిస్తోంది. అయితే, దీనిపై అధికారిక ప్రకటన మాత్రం ఇంకా రావాల్సి ఉంది.
మరోవైపు ఈ ప్రతిష్టాత్మక చిత్రానికి సంగీత దర్శకుడిని ఖరారు చేసే ప్రక్రియ కూడా కొనసాగుతున్నట్లు తెలుస్తోంది. మైత్రీ మూవీ మేకర్స్ అత్యంత భారీ బడ్జెట్తో నిర్మిస్తున్న ఈ చిత్రాన్ని వేగంగా పూర్తి చేయాలని ప్లాన్ చేస్తున్నారట. స్టైలిష్ యాక్షన్ డ్రామాగా తెరకెక్కనున్న ఈ ప్రాజెక్ట్కు సంబంధించిన మరిన్ని వివరాలను చిత్రబృందం త్వరలోనే వెల్లడించనుంది.
