మెగా హీరో వరుణ్ తేజ్ హీరోగా దర్శకుడు మేర్లపాక గాంధీ తెరకెక్కిస్తున్న ‘కొరియన్ కనకరాజు’ పై తాజా అప్డేట్ వెలువడింది. యంగ్ బ్యూటీ రితికా నాయక్ హీరోయిన్గా నటిస్తున్న ఈ చిత్రంలో ఒక స్పెషల్ కామెడీ ఎపిసోడ్ డిజైన్ చేసినట్లు తెలుస్తోంది.
ప్రీ క్లైమాక్స్లో వచ్చే ఈ ఎపిసోడ్ సినిమా మొత్తానికే హైలైట్గా నిలవనుందట. మేర్లపాక గాంధీ సిగ్నేచర్ మేకింగ్ స్టైల్లో రూపొందనున్న ఈ సీక్వెన్స్ ప్రేక్షకులను ఫుల్గా ఎంటర్టైన్ చేస్తుందని చిత్ర యూనిట్ చెప్తోంది.
కొరియన్ కనెక్షన్ ఏంటి?
ఈ చిత్రంలో వరుణ్ తేజ్ కనకరాజు అనే పాత్రలో కనిపించబోతున్నారు. ఇటీవల విడుదలైన గ్లింప్స్లో వరుణ్ తేజ్ కొరియన్ భాషలో మాట్లాడటం అందరినీ ఆకట్టుకుంది. సినిమాకు కొరియన్ భాషకు ఉన్న అనుబంధం ఏమిటన్నది చిత్రంలో చాలా ఆసక్తికరంగా ఉంటుందని మేకర్స్ చెప్తున్నారు. ఆ సస్పెన్స్ని థియేటర్లోనే రివీల్ చేయనున్నారు.
వేసవిలో విడుదల కానున్న ఈ చిత్రం మేర్లపాక గాంధీ మార్క్ కామెడీతో ప్రేక్షకులను మెప్పిస్తుందని అంచనాలు నెలకొన్నాయి.