పాన్ ఇండియా స్టార్ ప్రభాస్ నటించిన ‘కల్కి 2898 ఏడీ’ బ్లాక్బస్టర్ విజయం సాధించిన విషయం తెలిసిందే. దానికి కొనసాగింపుగా రూపొందుతున్న ‘కల్కి 2’ పై ఇప్పుడు ఇంట్రెస్టింగ్ అప్డేట్ వెలువడింది. కొత్త షెడ్యూల్ కోసం భారీ సెట్ నిర్మించనున్నారని, ఆ సెట్లో సినిమా ఇంటర్వెల్ సీక్వెన్స్ షూట్ చేయనున్నారని తెలుస్తోంది. ఈ కీలకమైన షూట్లో ప్రభాస్తో పాటు అమితాబ్ బచ్చన్ మరియు కమల్ హాసన్ కూడా పాల్గొంటారని సమాచారం.
గత షెడ్యూల్లో అమితాబ్ బచ్చన్ మరియు కమల్ హాసన్ పాత్రలకు సంబంధించిన కీలక సన్నివేశాలు ఆల్రెడీ షూట్ అయ్యాయి. వైజయంతీ మూవీస్ బ్యానర్పై భారీ నిర్మాణ విలువలతో రూపొందుతున్న ఈ చిత్రంలో లోకనాయకుడు కమల్ హాసన్ ప్రధాన విలన్గా తెరకెక్కనున్నారు.
‘కర్ణ 3102 బీసీ’ టైటిల్ ఖరారు అవుతుందా?
కల్కి సీక్వెల్కు ‘కర్ణ 3102 బీసీ’ అనే టైటిల్ పెట్టనున్నారని పరిశ్రమ వర్గాల్లో టాక్ నడుస్తోంది. కల్కి మొదటి పార్ట్ ఎండింగ్ కర్ణుడి పాత్రపై ముగిసిన నేపథ్యంలో సీక్వెల్ కథ పూర్తిగా కర్ణ పాత్ర చుట్టూ తిరుగుతుందని అర్థమవుతోంది. అలాగే ఈ సీక్వెల్లో పౌరాణిక అంశాలు మరింత విస్తారంగా ఉంటాయని కూడా తెలుస్తోంది. మొత్తంగా చెప్పాలంటే ‘కల్కి సీక్వెల్’ అన్ని విధాలా మొదటి భాగాన్ని మించిన భారీ చిత్రంగా రూపొందనుందని నిస్సందేహంగా చెప్పవచ్చు.