సినిమా మేకింగ్ విషయంలో దర్శకుడు కాంప్రమైజ్ అయితే అనుకున్నదు అనుకున్నట్టుగా తీయలేదు. హీరోలో, నిర్మాతలో స్క్రిప్ట్ లో వేలు పెడితే..ఆ సినిమాల ఫలితం ఎలా ఉంటుందో పెద్ద పెద్ద కాంబినేషన్స్లో వచ్చి బాక్సాఫీస్ వద్ద బోల్తా పడ్డ చాలా సినిమాలే ఉదాహరణగా ఉన్నాయి. దానివల్ల కోట్లలో నష్టపోయిన నిర్మాతలు, డిస్ట్రిబ్యూటర్లు, ఎగ్జిబిటర్లు ఉన్నారు. ఇక, సినిమాకి ప్రధాన బలమైన సినిమాటోగ్రఫీ, మ్యూజిక్ విషయంలో కూడా కాంప్రమైజ్ అవడం వల్ల కొన్ని సినిమాల రిజల్ట్ కూడా ఇలాగే వచ్చింది.
అయితే, మెగా పవర్ స్టార్ రామ్ చరణ్ నటిస్తున్న పాన్ ఇండియా సినిమా పెద్ది విషయంలో కూడా ఇలాంటి ఓ డిస్కర్షన్ దర్శకుడు బుచ్చిబాబు, సంగీత దర్శకుడు ఏఆర్ రెహమాన్ లకి వచ్చిందని ఓ న్యూస్ ఇప్పుడు ఫిల్మ్ సర్కిల్స్ లో చక్కర్లు కొడుతోంది. అదేమిటంటే, ఇప్పటికే.. ఫస్టాఫ్ బీజిఎం మొత్తం కంప్లీట్ అయిందట. సెకండాఫ్ బీజిఎం కోసం దర్శకుడు బుచ్చిబాబు..ఒక్కో సీన్ ని పంపిస్తాను..దానికి బ్యాక్గ్రౌండ్ స్కోర్ ఫినిష్ చేయమని రెహమాన్ ని అడిగాడట. అందుకు, రెహమాన్ ఏమాత్రం ఒప్పుకోలేదని టాక్ వినిపిస్తోంది.
ఇప్పటికే, పెద్ది సినిమా రిలీజ్ విషయంలో రక రకాల వార్తలు వినిపిస్తున్నాయి. వాస్తవానికి, మార్చి 27నే ఈ సినిమా ప్రపంచవ్యాప్తంగా ప్రేక్షకుల ముందుకు వచ్చి ఉండాల్సింది. కానీ, పోస్ట్ ప్రొడక్షన్స్ వర్క్ కంప్లీట్ కాకపోవడంతో ఏప్రిల్ 30ని వాయిదా పడింది. అందుకే, ఎడిటింగ్ కంప్లీట్ అయిన ఒక్కో సీన్ ని రికార్డింగ్ థియేటర్ కి పంపిస్తాను..ఆ సీన్స్ కి బీజీఎం పూర్తి చేయమని..మరీ ముఖ్యంగా ఒక్కో సీన్ కి ఓక్కోలా బీజిఎం కావాలని అడిగాడని సమాచారం.
కానీ, రెహమాన్..అలా ఒక్కో సీన్ కి ఒక్కో రకమైన బీజిఎం ఇవ్వడం కుదరదని ఖరాకండిగా చెప్పాడట. ఈ విషయంలో ఇద్దరికి చిన్నపాటి క్లాష్ వచ్చినట్టుగా కూడా చెప్పుకుంటున్నారు. మరి, దీన్ని బట్టి చూస్తే ఏప్రిల్ 30కి కూడా పెద్ది రిలీజ్ అయ్యే అవకాశాలు లేవని అర్థమవుతోంది. ఇలాంటి, పరిస్థితుల్లో మేకర్స్ పెద్ది రిలీజ్ విషయంలో క్లారిటీ ఎప్పుడు ఇస్తారో అనేది ఫ్యాన్స్ లో జరుగుతున్న చర్చ. కాగా, చరణ్ సరసన జాన్వీ కపూర్ హీరోయిన్గా నటిస్తోంది. ఈ మూవీపై ప్రపంచవ్యాప్తంగా భారీ అంచనాలున్నాయి.