దివంగత నటుడు శ్రీహరి (srihari) జయంతి సందర్భంగా ఆయన తనయుడు మేఘాంశ్ శ్రీహరి (Megamsh Srihari) హీరోగా నటిస్తున్న కొత్త చిత్రానికి సంబంధించిన ఫస్ట్ లుక్ను చిత్రబృందం విడుదల చేసింది. దీంతో ఈ సినిమాపై సినీ ప్రేక్షకుల్లో ఆసక్తి నెలకొంది.
భైరవకాళి ఫ్లిక్స్ బ్యానర్పై లెల్లా రాహుల్ ఈ చిత్రాన్ని నిర్మిస్తుండగా, లెల్లా రోహిత్ దర్శకత్వం వహిస్తున్నారు. తెలంగాణ సంస్కృతి, సంప్రదాయాలను ప్రతిబింబించేలా మేఘాంశ్ శ్రీహరి పోతురాజు గెటప్లో కనిపిస్తున్న ఫస్ట్ లుక్ పోస్టర్ను మేకర్స్ విడుదల చేశారు. పోస్టర్లో ఆయన లుక్ సినిమాపై క్యూరియాసిటీని పెంచేలా ఉంది.
ఇప్పటికే ఈ సినిమా షూటింగ్ 50 శాతం పూర్తయినట్లు చిత్ర యూనిట్ వెల్లడించింది. విభిన్నమైన కథాంశంతో తెరకెక్కుతున్న ఈ చిత్రానికి సంబంధించిన టైటిల్ గ్లింప్స్ను త్వరలోనే విడుదల చేసేందుకు మేకర్స్ సన్నాహాలు చేస్తున్నారు.
అలాగే సినిమాలో నటిస్తున్న ఇతర నటీనటులు, సాంకేతిక నిపుణుల వివరాలను త్వరలోనే అధికారికంగా ప్రకటించనున్నట్లు చిత్రబృందం తెలిపింది. శ్రీహరి జయంతి సందర్భంగా విడుదలైన మేఘాంశ్ ఫస్ట్ లుక్కు ప్రేక్షకుల నుంచి ఎలాంటి స్పందన వస్తుందో చూడాలి.
