పవర్ స్టార్ పవన్ కళ్యాణ్ హీరోగా దర్శకుడు సుజీత్ తెరకెక్కించనున్న ప్రతిష్టాత్మక ప్రాజెక్ట్ ‘ఓజి 2’ (OG 2) కోసం అభిమానులు ఎంతో ఆసక్తిగా ఎదురుచూస్తున్నారు. ‘ఓజి’కి ప్రీక్వెల్గా రానున్న ఈ సినిమాపై ఇప్పటికే భారీ అంచనాలు నెలకొన్నాయి. కొద్ది రోజుల క్రితం పవన్ చికిత్సకు ముందు ఈ చిత్రానికి సంబంధించిన వరుస అప్డేట్స్ రావడంతో ఫ్యాన్స్లో మరింత ఉత్సాహం కనిపించింది.
అదే సమయంలో సంగీత దర్శకుడు ఎస్. థమన్ కూడా పవన్ కళ్యాణ్ పుట్టినరోజు సందర్భంగా సెప్టెంబర్లో ‘ఓజి 2’ నుంచి స్పెషల్ అప్డేట్ తప్పకుండా ఉంటుందని హామీ ఇచ్చాడు. అయితే ఇటీవల సినిమా ప్రారంభం కొంత ఆలస్యం కావచ్చనే ప్రచారం జరిగినప్పటికీ, అప్డేట్ మాత్రం వాయిదా పడదని థమన్ మరోసారి స్పష్టం చేశాడు.
ఇక తాజాగా ‘కొరియన్ కనకరాజు’ ప్రీ-రిలీజ్ ఈవెంట్లో పాల్గొన్న థమన్.. అభిమానులు సెప్టెంబర్ వరకు కాస్త ఓపిక పట్టాలని కోరాడు. అలాగే “మళ్లీ గడ్డం పెంచుతున్నా… మీసం తిప్పాలా లేదా?” అంటూ చేసిన వ్యాఖ్యలు పవన్ కళ్యాణ్ ‘ఓజి 2’ లుక్కు సంబంధించిన పరోక్ష సంకేతాలుగా అభిమానులు భావిస్తున్నారు. దీంతో పవన్ బర్త్డే సందర్భంగా ఈ చిత్రం నుంచి భారీ అప్డేట్ లేదా ముహూర్తం ప్రకటన వచ్చే అవకాశాలు ఉన్నాయని సినీ వర్గాల్లో చర్చ సాగుతోంది.
