ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కళ్యాణ్ Pawan Kalyan పుట్టినరోజు సందర్భంగా ఆయనకు సోషల్ మీడియా వేదికగా శుభాకాంక్షలు వెల్లువెత్తుతున్నాయి. సినీ, రాజకీయ ప్రముఖులతో పాటు అభిమానులు సైతం పవన్ కళ్యాణ్కు ప్రత్యేకంగా విషెస్ తెలియజేస్తున్నారు. ఈ క్రమంలో మెగా పవర్ స్టార్ రామ్ చరణ్ తన బాబాయ్కి స్పెషల్గా బర్త్ డే విషెస్ తెలిపాడు.
ఎక్స్ వేదికగా పవన్ కళ్యాణ్కు శుభాకాంక్షలు చెబుతూ రామ్ చరణ్ తన ప్రేమను, అభిమానాన్ని చాటుకున్నాడు. “గౌరవనీయులైన ఏపీ ఉప ముఖ్యమంత్రి పవన్ కళ్యాణ్ గారికి జన్మదిన శుభాకాంక్షలు” అంటూ పోస్ట్ చేసిన చరణ్.. పవన్ కళ్యాణ్ తనకు ఎప్పటికీ గొప్ప స్ఫూర్తిగా నిలుస్తారని పేర్కొన్నాడు.
తన బాబాయ్ ఎల్లప్పుడూ ఆయురారోగ్యాలతో, ఆనందంగా ఉండాలని కోరుకున్న రామ్ చరణ్.. ఆయన జీవితంలో మరెన్నో విజయవంతమైన సంవత్సరాలు ఉండాలని ఆకాంక్షించాడు. చివర్లో “లవ్ యూ బాబాయ్” అంటూ తన అభిమానాన్ని వ్యక్తం చేశాడు.
రామ్ చరణ్ చేసిన ఈ ప్రత్యేక బర్త్ డే పోస్ట్ ప్రస్తుతం సోషల్ మీడియాలో వైరల్గా మారింది. మెగా అభిమానులతో పాటు నెటిజన్లు సైతం బాబాయ్-అబ్బాయ్ల మధ్య ఉన్న ఆప్యాయతను చూసి ఫిదా అవుతున్నారు.
