పవర్ స్టార్ Pawan Kalyan, ఆంధ్రప్రదేశ్ ఉపముఖ్యమంత్రి పవన్ కళ్యాణ్ వ్యక్తిగత జీవితానికి సంబంధించి కీలక పరిణామం చోటుచేసుకుంది. ఆయన సతీమణి అన్నా కొణిదెలతో పరస్పర అంగీకారంతో విడిపోవాలని నిర్ణయించుకున్నారు. దాదాపు 13 ఏళ్ల వైవాహిక బంధానికి ముగింపు పలుకుతున్నట్లు ఇద్దరూ సంయుక్త ప్రకటన ద్వారా వెల్లడించారు.
పరస్పర గౌరవంతోనే ఈ నిర్ణయం
తమ జీవితంలో ఎంతో ముఖ్యమైన ప్రయాణాన్ని కలిసి కొనసాగించామని, ఇప్పుడు పరస్పర అవగాహన, గౌరవంతో వేర్వేరు మార్గాల్లో ముందుకు సాగాలని నిర్ణయించుకున్నామని పవన్ కళ్యాణ్, అన్నా కొణిదెల తెలిపారు.
వైవాహిక బంధం ముగిసినప్పటికీ మంచి స్నేహితులుగా కొనసాగుతామని, తమ పిల్లలకు బాధ్యతాయుతమైన తల్లిదండ్రులుగా ఉంటామని స్పష్టం చేశారు. పిల్లల ఆనందం, సంక్షేమమే తమ ఇద్దరి ప్రధాన ప్రాధాన్యత అని పేర్కొన్నారు.
వ్యక్తిగత గోప్యతను గౌరవించాలని విజ్ఞప్తి
ఈ వ్యక్తిగత మార్పు సమయంలో తమ గోప్యతను గౌరవించాలని అభిమానులు, శ్రేయోభిలాషులను కోరారు. ఇప్పటివరకు తమకు అండగా నిలిచిన ప్రతి ఒక్కరికీ కృతజ్ఞతలు తెలిపారు
పవన్ కళ్యాణ్, అన్నా కొణిదెల 2013లో వివాహం చేసుకున్నారు. వీరికి ఇద్దరు పిల్లలు ఉన్నారు. తాజాగా విడిపోతున్నట్లు ప్రకటించడం అభిమానుల్లో చర్చనీయాంశంగా మారింది.
అయితే ఈ నిర్ణయానికి దారితీసిన వ్యక్తిగత కారణాలను సంయుక్త ప్రకటనలో వెల్లడించలేదు.
