పవర్ స్టార్ పవన్ కళ్యాణ్ హీరోగా తెరకెక్కనున్న క్రేజీ ప్రాజెక్ట్ ‘ఓజి 2’ (OG 2) పై అభిమానుల్లో భారీ అంచనాలు ఉన్నాయి. ‘ఓజి’కి కొనసాగింపుగా రూపొందనున్న ఈ సినిమాను పవన్కు అత్యంత సన్నిహితుడైన దర్శకుడు సుజీత్ తెరకెక్కించనున్న సంగతి తెలిసిందే. మొదటి భాగానికి వచ్చిన రెస్పాన్స్తో సీక్వెల్పై హైప్ మరింత పెరిగింది.
కొన్ని నెలల క్రితం ‘ఓజి 2’కు సంబంధించి వరుస అప్డేట్స్ రావడంతో సినిమా త్వరలోనే సెట్స్పైకి వెళ్లనుందనే టాక్ వినిపించింది. అయితే పవన్ కళ్యాణ్ అనారోగ్యం, మరోవైపు సుజీత్ దర్శకత్వంలో నాని హీరోగా ఓ ప్రాజెక్ట్ తెరకెక్కనుందనే వార్తలు రావడంతో ‘ఓజి 2’ మరింత ఆలస్యం కావచ్చనే ప్రచారం మొదలైంది.
అయితే తాజా సమాచారం ప్రకారం ‘ఓజి 2’ విషయంలో మేకర్స్ ప్లాన్లో ఎలాంటి మార్పు లేదని తెలుస్తోంది. ముందుగా అనుకున్నట్టుగానే నవంబర్ నుంచే ఈ సినిమా షూటింగ్ ప్రారంభించే అవకాశాలు ఉన్నట్లు టాక్ వినిపిస్తోంది. పవన్ కళ్యాణ్ కూడా ఇందుకు సిద్ధంగానే ఉన్నారని సమాచారం.
అన్నీ అనుకున్నట్టుగా జరిగితే ‘ఓజి 2’ ఈ ఏడాదిలోనే సెట్స్పైకి వెళ్లే అవకాశం ఉంది. దీంతో పవన్ అభిమానుల్లో మరోసారి ఈ క్రేజీ సీక్వెల్పై ఆసక్తి పెరుగుతోంది.
