పవర్ స్టార్ పవన్ కళ్యాణ్తో కలిసి పనిచేసే అవకాశం తనకు ఎంత ప్రత్యేకమో దర్శకుడు సుజీత్ మరోసారి చాటిచెప్పాడు. పవన్ కళ్యాణ్ పుట్టినరోజు సందర్భంగా ఆయనతో తనకున్న అనుబంధాన్ని గుర్తుచేసుకుంటూ సుజీత్ సోషల్ మీడియా వేదికగా ఓ ఎమోషనల్ పోస్ట్ను షేర్ చేశాడు. అదే సమయంలో ‘OG’ అభిమానులకు ఆసక్తికరమైన అప్డేట్ కూడా ఇచ్చాడు.
చిన్నతనం నుంచే పవన్ కళ్యాణ్ సినిమాలు, ఆయన మేనరిజమ్స్, స్టైల్కు తాను కూడా కోట్లాది మంది అభిమానుల మాదిరిగానే ఆకర్షితుడినయ్యానని సుజీత్ చెప్పుకొచ్చాడు. తెరపై పవన్ కళ్యాణ్ కనిపించిన ప్రతిసారీ ఆయన ఎనర్జీని, ప్రత్యేకమైన మ్యాడ్నెస్ను ఆస్వాదిస్తూ పెరిగానని గుర్తుచేసుకున్నాడు.
ఒకప్పుడు సాధారణ అభిమానిగా థియేటర్లలో పవన్ కళ్యాణ్ సినిమాలను చూస్తూ, ఆయన ప్రతి మూవ్కు ఈలలు వేసిన తాను.. ఇప్పుడు అదే హీరోకు కెమెరా వెనుక నిలబడి ‘యాక్షన్’ చెప్పే స్థాయికి చేరుకోవడం తనకు ఇప్పటికీ కలలానే అనిపిస్తోందని సుజీత్ పేర్కొన్నాడు.
కాలం తనను ఓ అభిమానిగా ఉన్న స్థాయి నుంచి.. తన అభిమాన హీరోతో కలిసి ఓ ప్రత్యేకమైన సినిమాటిక్ అనుభవాన్ని సృష్టించే అవకాశం దక్కే వరకు తీసుకొచ్చిందని భావోద్వేగానికి లోనయ్యాడు. తన జీవితంలో మొదట ఆరాధ్య హీరోగా ఉన్న పవన్ కళ్యాణ్.. ఇప్పుడు తన ‘OG’గా మారడం నిజంగా తన అదృష్టమని తెలిపాడు.
పవన్ కళ్యాణ్కు హృదయపూర్వక పుట్టినరోజు శుభాకాంక్షలు తెలియజేసిన సుజీత్.. ఈ సందర్భంగా ‘OG’ యూనివర్స్ నుంచి అభిమానుల కోసం ఓ చిన్న గిఫ్ట్ ఇవ్వబోతున్నట్లు వెల్లడించాడు. దీంతో ఆ గిఫ్ట్ ఏంటనే ఆసక్తి అభిమానుల్లో మరింత పెరిగింది. సుజీత్ చేసిన ఈ పోస్ట్ ప్రస్తుతం సోషల్ మీడియాలో వైరల్గా మారడంతో ‘OG 2’పై అంచనాలు మరింతగా పెరుగుతున్నాయి.
