నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కుతున్న ‘ది ప్యారడైజ్’పై The Paradise ప్రేక్షకుల్లో ఇప్పటికే భారీ అంచనాలు ఉన్నాయి. ‘దసరా’ తర్వాత ఈ కాంబో మరోసారి కలిసి పనిచేస్తుండటంతో సినిమాపై మొదటి నుంచే ఆసక్తి నెలకొంది. సెప్టెంబర్ 24న ప్రేక్షకుల ముందుకు రానున్న ఈ మూవీకి ప్రస్తుతం మంచి బజ్ కనిపిస్తోంది.
అయితే విడుదల తేదీ దగ్గరపడుతున్న కొద్దీ ఈ క్రేజ్ను మరింతగా పెంచాల్సిన అవసరం ఉందనే అభిప్రాయాలు వ్యక్తమవుతున్నాయి. కేవలం కంటెంట్కు సంబంధించిన అప్డేట్స్తోనే కాకుండా.. వరుస ప్రమోషనల్ కార్యక్రమాలతో సినిమాపై అంచనాలను నెక్స్ట్ లెవల్కు తీసుకెళ్లాల్సిన అవసరం ఉంది.
ముఖ్యంగా థియేట్రికల్ రిలీజ్కు ముందు సినిమాకు భారీగా హైప్ తీసుకురాగలిగితే.. ఆ ప్రభావం ఓపెనింగ్స్పై కూడా పడే అవకాశం ఉంటుంది. నాని, శ్రీకాంత్ ఓదెల కాంబినేషన్కు ఉన్న క్రేజ్కు తోడు, సినిమా కంటెంట్పై క్యూరియాసిటీని మరింత పెంచేలా ప్రమోషన్స్ సాగాల్సి ఉంది.
మరి విడుదలకు మరికొంత సమయం మాత్రమే ఉన్న నేపథ్యంలో ‘ది ప్యారడైజ్’ టీమ్ ఎలాంటి ప్రమోషనల్ స్ట్రాటజీతో ముందుకు వెళ్తుందో, సినిమాపై ఉన్న అంచనాలను ఏ స్థాయికి తీసుకెళ్తుందో చూడాలి. బాక్సాఫీస్ వద్ద మ్యాజిక్ చేయాలంటే రిలీజ్కు ముందు హైప్ విషయంలో నాని అండ్ టీమ్ మరింత దూకుడు చూపించాల్సిందేననే టాక్ వినిపిస్తోంది.
