యూట్యూబ్ స్టార్గా మంచి గుర్తింపు తెచ్చుకున్న మౌళీ తనూజ్ హీరోగా నటించిన ‘లిటిల్ హార్ట్స్’ సినిమా గతేడాది టాలీవుడ్లో మంచి విజయాన్ని అందుకున్న విషయం తెలిసిందే. డెబ్యూ మూవీతోనే సాలిడ్ హిట్ అందుకున్న మౌళీ ఇప్పుడు తన రెండో సినిమా ‘దొంగ నా కొడుకు’ (Donga Naa Koduku) తో ప్రేక్షకుల ముందుకు రాబోతున్నాడు.
కామెడీ ఎంటర్టైనర్గా తెరకెక్కుతున్న ఈ సినిమాకు ఇటీవలే టైటిల్ను ప్రకటించారు. తాజాగా ఈ మూవీ రిలీజ్ డేట్కు సంబంధించి ఆసక్తికరమైన బజ్ వినిపిస్తోంది. మేకర్స్ ‘దొంగ నా కొడుకు’ చిత్రాన్ని సెప్టెంబర్ 4న ప్రేక్షకుల ముందుకు తీసుకురావాలని ప్లాన్ చేస్తున్నట్లు సమాచారం.
ఇక్కడే ‘లిటిల్ హార్ట్స్’ సెంటిమెంట్పై ఆసక్తి మొదలైంది. గతేడాది సెప్టెంబర్ 5న విడుదలైన ‘లిటిల్ హార్ట్స్’ మంచి విజయాన్ని అందుకుంది. దీంతో అదే సమయంలో తన రెండో సినిమాను కూడా విడుదల చేస్తే సెంటిమెంట్ కలిసొస్తుందనే ఆలోచనలో మేకర్స్ ఉన్నట్లు టాక్ వినిపిస్తోంది. అయితే రిలీజ్ డేట్పై అధికారిక ప్రకటన రావాల్సి ఉంది.
‘దొంగ నా కొడుకు’ చిత్రానికి శ్రీను కంబళ దర్శకత్వం వహిస్తుండగా, మైత్రి మూవీ మేకర్స్ నిర్మిస్తోంది. మౌళీ తన తొలి సినిమా విజయాన్ని కొనసాగిస్తూ ఈ కామెడీ ఎంటర్టైనర్తో మరోసారి ప్రేక్షకులను ఆకట్టుకుంటాడో లేదో చూడాలి.
