మెగా పవర్ స్టార్ రామ్ చరణ్ తన తదుపరి చిత్రం ‘RC17’ కోసం మరోసారి పూర్తిగా కొత్త లుక్లో కనిపించేందుకు సిద్ధమవుతున్నట్లు సినీ వర్గాల్లో టాక్ వినిపిస్తోంది. దర్శకుడు సుకుమార్ తెరకెక్కించనున్న ఈ పాన్-ఇండియా ప్రాజెక్ట్ కోసం రామ్ చరణ్ దాదాపు 15 కిలోల వరకు బరువు తగ్గి స్లిమ్ లుక్లో కనిపించనున్నట్లు సమాచారం. అంతేకాదు, పాత్రకు తగ్గట్టుగా పొడవాటి జుట్టును కూడా పెంచనున్నట్లు తెలుస్తోంది.
ఇప్పటికే ఈ సినిమా కోసం సుకుమార్ కథను భారీ స్థాయిలో సిద్ధం చేస్తున్నట్లు సమాచారం. పాన్-ఇండియా ప్రేక్షకులను దృష్టిలో పెట్టుకుని తెరకెక్కించనున్న ఈ ప్రాజెక్ట్లో కథకు కీలకమైన అంశాలను జోడిస్తున్నారట. మొదటి భాగానికి సంబంధించిన కథను పూర్తి చేసిన సుకుమార్, ప్రస్తుతం క్లైమాక్స్ను మరింత ఆసక్తికరంగా తీర్చిదిద్దే పనిలో ఉన్నట్లు తెలుస్తోంది.
ప్రస్తుతం చేతి గాయం నుంచి కోలుకుంటున్న రామ్ చరణ్, పూర్తిగా కోలుకున్న తర్వాత ‘RC17’ కోసం ప్రత్యేకంగా బరువు తగ్గే ట్రైనింగ్ ప్రారంభించనున్నట్లు సమాచారం. మరి ఈసారి చరణ్ ఎలాంటి లుక్లో కనిపించబోతున్నాడో తెలియాలంటే మరికొంత కాలం వేచి చూడాల్సిందే.
