దర్శకధీరుడు ఎస్.ఎస్. రాజమౌళి, సూపర్‌స్టార్ మహేష్ బాబు కాంబినేషన్‌లో తెరకెక్కుతున్న ప్రతిష్టాత్మక చిత్రం ‘వారణాసి’పై Varanasi అంచనాలు రోజురోజుకూ పెరుగుతున్నాయి. ప్రస్తుతం ఈ సినిమా షూటింగ్ చివరి దశకు చేరుకున్నట్లు సమాచారం. కే.ఎల్. నారాయణ నిర్మిస్తున్న ఈ భారీ ప్రాజెక్ట్‌లో ప్రియాంక చోప్రా, పృథ్వీరాజ్ సుకుమారన్ కీలక పాత్రలు పోషిస్తున్నారు. ఈ ఏడాది చివరి నాటికి షూటింగ్ పూర్తి చేయాలని మేకర్స్ లక్ష్యంగా పెట్టుకున్నట్లు తెలుస్తోంది.
తెలుగు థియేట్రికల్ హక్కులకు రూ.290 కోట్ల డీల్?
‘వారణాసి’ బిజినెస్‌కు సంబంధించి తాజాగా ఓ ఆసక్తికరమైన వార్త టాలీవుడ్‌లో చర్చనీయాంశంగా మారింది. ప్రముఖ నిర్మాణ సంస్థ మైత్రి మూవీ మేకర్స్ ఈ సినిమా తెలుగు థియేట్రికల్ హక్కులను దాదాపు రూ.290 కోట్ల భారీ ధరకు సొంతం చేసుకున్నట్లు ప్రచారం జరుగుతోంది. ఈ డీల్ నిజమైతే తెలుగు సినిమా బిజినెస్‌లోనే ఒక సంచలనంగా నిలిచే అవకాశం ఉంది.
గ్లోబల్ మార్కెట్‌పై రాజమౌళి ఫోకస్!
మరోవైపు ఇతర ప్రాంతాల థియేట్రికల్ హక్కులు, డిజిటల్ రైట్స్‌కు సంబంధించి కూడా భారీ స్థాయిలో చర్చలు జరుగుతున్నట్లు సమాచారం. అంతర్జాతీయ మార్కెట్‌ను దృష్టిలో పెట్టుకుని ఇంగ్లీష్‌తో పాటు ఇతర విదేశీ భాషల్లోనూ సినిమాను విడుదల చేసేందుకు గ్లోబల్ స్టూడియోలతో సంప్రదింపులు జరుపుతున్నారనే టాక్ వినిపిస్తోంది.
2027 ఏప్రిల్ 7న ప్రపంచవ్యాప్తంగా విడుదల?
ముందుగా ప్రకటించిన షెడ్యూల్ ప్రకారం ‘వారణాసి’ చిత్రాన్ని 2027 ఏప్రిల్ 7న ప్రపంచవ్యాప్తంగా థియేటర్లలో విడుదల చేయాలని మేకర్స్ ప్లాన్ చేస్తున్నారు. రాజమౌళి దర్శకత్వం, మహేష్ బాబు స్టార్‌డమ్, అంతర్జాతీయ స్థాయి నిర్మాణ విలువలతో ఈ సినిమాపై భారీ అంచనాలు నెలకొన్నాయి.
మొత్తానికి విడుదలకు ముందే బిజినెస్ పరంగా వార్తల్లో నిలుస్తున్న ‘వారణాసి’.. బాక్సాఫీస్ వద్ద ఎలాంటి రికార్డులు సృష్టిస్తుందో చూడాలి!
