నేచురల్ స్టార్ నాని హీరోగా నటిస్తున్న మోస్ట్ అవైటెడ్ భారీ చిత్రం ‘ది ప్యారడైజ్’ (The Paradise). ‘దసరా’ ఫేమ్ శ్రీకాంత్ ఓదెల దర్శకత్వంలో తెరకెక్కుతున్న ఈ మ్యాడ్ యాక్షన్ అండ్ ఎమోషనల్ డ్రామాపై ఇప్పటికే భారీ అంచనాలు ఉన్నాయి. ఇటీవల విడుదలైన టీజర్తో సినిమాపై హైప్ మరింత పెరిగింది.
అయితే టీజర్ విడుదలైన తర్వాత చిత్ర బృందానికి అనూహ్యమైన స్పందన ఎదురైంది. ముఖ్యంగా నాని ఫాస్ట్గా చెప్పిన డైలాగ్స్ చాలామంది ప్రేక్షకులకు స్పష్టంగా అర్థం కాకపోవడంతో సోషల్ మీడియాలో ట్రోల్స్ కూడా వచ్చాయి. దీంతో ఆ డైలాగ్స్కు సంబంధించిన వివరణలు ఇస్తూ మేకర్స్ ప్రత్యేకంగా పోస్టులు చేయాల్సి వచ్చింది.
అంతేకాకుండా టీజర్ను మరోసారి ఎడిట్ చేసి, ఈసారి డైలాగ్స్ స్పష్టంగా వినిపించేలా కొత్త వెర్షన్ను విడుదల చేశారు. దీంతో ప్రేక్షకుల నుంచి మళ్లీ పాజిటివ్ రెస్పాన్స్ రావడం మొదలైంది. అయితే ఈ మార్పు ముందే చేసి ఉంటే బాగుండేదని పలువురు కామెంట్స్ చేస్తున్నారు.
ఈ పరిణామంతో సినిమా ఫైనల్ వెర్షన్ విషయంలో కూడా మేకర్స్ మరింత జాగ్రత్త తీసుకుంటారనే అభిప్రాయం వ్యక్తమవుతోంది. ఇక ఈ చిత్రానికి అనిరుధ్ రవిచందర్ సంగీతం అందిస్తుండగా, ఎస్ఎల్వీ సినిమాస్ నిర్మిస్తోంది.
