ఇండియన్ ఓటీటీ హిస్టరీలో తనకంటూ ప్రత్యేకమైన గుర్తింపు తెచ్చుకున్న సెన్సేషనల్ వెబ్ సిరీస్లలో ‘మీర్జాపూర్’ Mirzapur కూడా ఒకటి. దేశవ్యాప్తంగా భారీ క్రేజ్ సొంతం చేసుకున్న ఈ సిరీస్కు పాన్ ఇండియా స్థాయిలోనూ మంచి ఫాలోయింగ్ ఉంది. ఈ క్రేజ్ను క్యాష్ చేసుకుంటూ ఇప్పుడు ‘మీర్జాపూర్’ కథను సినిమాగా ప్రేక్షకుల ముందుకు తీసుకొస్తున్నారు మేకర్స్.
గురుమీత్ సింగ్ దర్శకత్వం వహించిన ఈ సినిమా సెప్టెంబర్ 4న థియేటర్లలో విడుదల కానుంది. హిందీ మార్కెట్తో పాటు ముఖ్యంగా తెలుగు ప్రేక్షకులను కూడా టార్గెట్ చేస్తూ సినిమాను రిలీజ్ చేస్తున్నారు. అయితే ఈ సినిమాను థియేటర్లలో చూసే ముందు ‘మీర్జాపూర్’లో ఏదైనా చూడాలా? అనే ఆసక్తికరమైన ప్రశ్నకు తాజాగా ఓటీటీ సంస్థ అమెజాన్ ప్రైమ్ వీడియో సమాధానం ఇచ్చింది.
‘మీర్జాపూర్’ సినిమా చూసే ముందు సీజన్ 1 చూడాలని ప్రైమ్ వీడియో రికమెండ్ చేస్తోంది. దీంతో సినిమాకు, సిరీస్లోని సీజన్ 1కు ఏదో ఒక కీలకమైన లింక్ ఉండొచ్చనే ఆసక్తి ప్రేక్షకుల్లో మొదలైంది. సీజన్ 1లోని కొన్ని అంశాలు లేదా పాత్రలతో సినిమాకు సంబంధం ఉండే అవకాశం ఉందనే అంచనాలు వ్యక్తమవుతున్నాయి.
అందుకే ఇప్పటికే సిరీస్ చూసినవారు మరోసారి సీజన్ 1ని రీక్యాప్ చేసుకుంటే సినిమాను మరింత డీటెయిల్డ్గా అర్థం చేసుకునే అవకాశం ఉండొచ్చు. మరి సిరీస్కు ఉన్న భారీ క్రేజ్ను ఈ సినిమా ఎంతవరకు క్యాష్ చేసుకుంటుంది? థియేటర్లలో ఎలాంటి రెస్పాన్స్ అందుకుంటుందనేది ఆసక్తికరంగా మారింది.
ఈ చిత్రంలో దివ్యెందు శర్మ, అలీ ఫజల్, పంకజ్ త్రిపాఠి తదితరులు కీలక పాత్రల్లో నటించారు. సెప్టెంబర్ 4న థియేటర్లలోకి రానున్న ‘మీర్జాపూర్’ సినిమా ఎలాంటి అనుభూతిని అందిస్తుందో చూడాలి.