ఐకాన్ స్టార్ అల్లు అర్జున్ హీరోగా తెరకెక్కుతున్న మోస్ట్ అవైటెడ్ మూవీ ‘రాకా’పై Raaka ఇప్పటికే భారీ అంచనాలు నెలకొన్నాయి. స్టార్ డైరెక్టర్ అట్లీ దర్శకత్వంలో తెరకెక్కుతున్న ఈ ఫాంటసీ ఎంటర్టైనర్ కోసం అభిమానులు ఎంతో ఆసక్తిగా ఎదురుచూస్తున్నారు. భారీ బడ్జెట్తో, అద్భుతమైన విజువల్స్తో ఈ సినిమాను తెరకెక్కిస్తున్నట్లు ఇప్పటికే టాక్ ఉంది.
ఇక ఈ సినిమాలో అల్లు అర్జున్ పాత్రకు సంబంధించి ఎప్పటి నుంచో పలు ఆసక్తికరమైన రూమర్స్ సోషల్ మీడియాలో వైరల్ అవుతున్నాయి. ముఖ్యంగా బన్నీ ఇందులో ఒకటి కాదు.. ఏకంగా మూడు పాత్రల్లో కనిపించనున్నాడనే టాక్ ఎప్పటి నుంచో వినిపిస్తోంది. గతంలో ఈ మూడు పాత్రల్లో రెండు పాత్రలు తండ్రీకొడుకులుగా ఉంటాయని ప్రచారం జరిగింది.
అయితే తాజాగా ఈ ట్రిపుల్ రోల్కు సంబంధించి మరో కొత్త రూమర్ తెరపైకి వచ్చింది. ఇందులో అల్లు అర్జున్ పోషించే మూడు పాత్రలు డోపెల్గ్యాంగర్స్ తరహాలో ఉంటాయని టాక్ వినిపిస్తోంది. అంటే ఈ మూడు పాత్రలు చూడటానికి అచ్చం ఒకేలా కనిపించినప్పటికీ.. వారి మధ్య ఎలాంటి రక్త సంబంధం ఉండదని తెలుస్తోంది.
ఈ కాన్సెప్ట్ నిజమైతే ‘రాకా’లో బన్నీ పాత్రలు మరింత ఆసక్తికరంగా ఉండే అవకాశం ఉంది. ముఖ్యంగా ఒకే పోలికలతో ఉన్న మూడు విభిన్న పాత్రలను అల్లు అర్జున్ ఎలా పోషించనున్నాడనే ఆసక్తి అభిమానుల్లో పెరుగుతోంది.
అయితే ప్రస్తుతం వినిపిస్తున్నదంతా రూమర్ మాత్రమే. ఈ ట్రిపుల్ రోల్పై మేకర్స్ నుంచి అధికారికంగా ఎలాంటి క్లారిటీ రాలేదు. కాబట్టి అసలు బన్నీ ఎలాంటి పాత్రల్లో కనిపించనున్నాడో తెలియాలంటే మరికొంత కాలం వేచి చూడాల్సిందే.
