నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కిన మోస్ట్ అవైటెడ్ పీరియాడిక్ యాక్షన్ డ్రామా ‘ది ప్యారడైజ్’ The Paradise. సెప్టెంబర్ 24న ఈ సినిమా ప్రపంచవ్యాప్తంగా గ్రాండ్గా థియేటర్లలో విడుదల కానుంది. ఈ నేపథ్యంలో తాజాగా అడ్వాన్స్ బుకింగ్స్ ప్రారంభమయ్యాయి. ప్రస్తుతం నైజాం ఏరియాలో బుకింగ్స్ అందుబాటులోకి రాగా, ప్రేక్షకుల నుంచి భారీ స్పందన కనిపిస్తోంది.
సికింద్రాబాద్ స్లమ్ బ్యాక్డ్రాప్లో తెరకెక్కిన ఈ సినిమాపై మొదటి నుంచే మంచి హైప్ నెలకొంది. ఇప్పుడు అడ్వాన్స్ బుకింగ్స్లో కనిపిస్తున్న ట్రెండ్ కూడా అదే విషయాన్ని సూచిస్తోంది. బుక్మైషో, డిస్ట్రిక్ట్ యాప్లలో కలిపి కేవలం గంట వ్యవధిలోనే 11 వేలకు పైగా టికెట్లు అమ్ముడైనట్లు సమాచారం.
ఇందులో బుక్మైషో ద్వారా మాత్రమే గంటలో సుమారు 6.59 వేల టికెట్లు బుక్ అయినట్లు తెలుస్తోంది. ఈ స్థాయిలో వేగంగా టికెట్లు అమ్ముడవడం సినిమాపై ఉన్న ఆసక్తిని తెలియజేస్తోంది.
మరోవైపు బుక్మైషోలో ఇప్పటివరకు 3.28 లక్షల మందికి పైగా ప్రేక్షకులు ‘ది ప్యారడైజ్’పై ఆసక్తి చూపించినట్లు సమాచారం. కేవలం నైజాం ప్రాంతంలోనే బుకింగ్స్ ప్రారంభమైన సమయంలో ఈ స్థాయి స్పందన రావడం విశేషంగా మారింది.
మిగతా ప్రాంతాల్లో కూడా అడ్వాన్స్ బుకింగ్స్ పూర్తిస్థాయిలో ప్రారంభమైతే టికెట్ సేల్స్ మరింత వేగం పుంజుకునే అవకాశం ఉంది. నాని, శ్రీకాంత్ ఓదెల కాంబినేషన్లో వస్తున్న ఈ పీరియాడిక్ యాక్షన్ డ్రామా థియేటర్లలో ఎలాంటి స్పందన అందుకుంటుందో సెప్టెంబర్ 24న తేలనుంది.
