ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబినేషన్లో తెరకెక్కుతున్న భారీ చిత్రం ‘రాకా’పై Raaka అభిమానుల్లో భారీ అంచనాలు నెలకొన్నాయి. ఈ సినిమాకు సంబంధించిన కొత్త అప్డేట్ కోసం బన్నీ ఫ్యాన్స్ ఎంతో ఆసక్తిగా ఎదురుచూస్తున్నారు. తాజాగా చిత్రబృందం ఈరోజు ఓ ప్రత్యేకమైన అప్డేట్ను వెల్లడించనున్నట్లు ప్రకటించడంతో సోషల్ మీడియాలో సందడి మొదలైంది.
అప్డేట్ ఏంటి, ఎప్పుడు విడుదల చేస్తారు అనే విషయాలను మేకర్స్ ప్రస్తుతానికి సస్పెన్స్లో ఉంచారు. దీంతో అభిమానుల్లో క్యూరియాసిటీ మరింత పెరిగింది. ఎలాంటి ఆలస్యం లేకుండా సర్ప్రైజ్ను వెల్లడించాలని కోరుతూ పలువురు అభిమానులు సోషల్ మీడియా వేదికగా ‘సన్ పిక్చర్స్’ను ట్యాగ్ చేస్తూ పోస్టులు చేస్తున్నారు.
ఇక సినిమాకు సంబంధించిన కాస్టింగ్ కూడా ఆసక్తిని పెంచుతోంది. ‘రాకా’లో దీపికా పదుకొణెతో పాటు మృణాల్ ఠాకూర్ కూడా కథానాయికగా నటిస్తున్నట్లు సమాచారం. అలాగే జాన్వీ కపూర్ కూడా మరో కీలక హీరోయిన్ పాత్రలో కనిపించనున్నట్లు టాక్ వినిపిస్తోంది.
అల్లు అర్జున్ కోసం అట్లీ ఓ పవర్ఫుల్ కథను సిద్ధం చేసినట్లు తెలుస్తోంది. మాఫియా బ్యాక్డ్రాప్లో ఓ డాన్ చుట్టూ తిరిగే కథగా ఈ సినిమా తెరకెక్కుతున్నట్లు ప్రచారం జరుగుతోంది. అంతేకాకుండా సినిమాను మరింత ప్రత్యేకంగా నిలిపేందుకు అట్లీ పలు కీలక గెస్ట్ రోల్స్ను కూడా డిజైన్ చేస్తున్నట్లు టాక్.
ఇప్పటికే భారీ కాంబినేషన్, స్టార్ కాస్టింగ్తో ‘రాకా’పై అంచనాలు పెరిగిపోయాయి. ఇప్పుడు మేకర్స్ ప్రకటించబోయే సర్ప్రైజ్ ఏమై ఉంటుందనే దానిపై అభిమానుల్లో ఆసక్తి మరింత ఎక్కువైంది. ఆ ప్రత్యేక అప్డేట్ ఏంటో తెలియాలంటే చిత్రబృందం అధికారిక ప్రకటన కోసం వేచి చూడాల్సిందే.
