న్యాచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కిన పాన్-ఇండియా మూవీ ‘ది ప్యారడైజ్’ The Paradise. ఈ చిత్రం ఈ గురువారం ప్రేక్షకుల ముందుకు రానుంది. ఇప్పటికే సినిమాపై భారీ అంచనాలు నెలకొనగా, తాజాగా కథలోని ఎమోషనల్ యాంగిల్కు సంబంధించిన ఓ ఆసక్తికరమైన విషయం చర్చకు వస్తోంది.
‘ది ప్యారడైజ్’ చూసి థియేటర్ నుంచి బయటకు వచ్చిన తర్వాత యాక్షన్ సీన్లు, పాటల కంటే అమ్మ–కొడుకు మధ్య ఉన్న భావోద్వేగ బంధమే ఎక్కువగా గుర్తుండిపోతుందని నాని గతంలో చెప్పిన సంగతి తెలిసిందే. నాని పోషిస్తున్న జడలు పాత్రకు తన తల్లి సమ్మక్కతో ఉన్న అనుబంధం, ఆమె కోసం అతను చేసే పోరాటం కథలో కీలకమైన భావోద్వేగ అంశంగా ఉంటుందని తెలుస్తోంది.
ఈ నేపథ్యంలో నాని, మోహన్ బాబు మధ్య చోటుచేసుకునే ఘర్షణ కూడా కేవలం యాక్షన్ ఎపిసోడ్స్కే పరిమితం కాదని సమాచారం. తల్లి–కొడుకు బంధంతో ముడిపడిన బలమైన భావోద్వేగాల చుట్టూ ఈ డ్రామా సాగుతుందని టాక్ వినిపిస్తోంది.
అంతేకాకుండా మోహన్ బాబు పోషిస్తున్న పాత్రకు నాని పాత్రతో మరో ఆసక్తికరమైన సంబంధం ఉన్నట్లు తెలుస్తోంది. సినిమాలో మోహన్ బాబు పాత్ర జడలుకు అనధికారిక తండ్రి స్థానంలో ఉంటుందని, అయితే ఈ సంబంధాన్ని అతని పాత్ర అంగీకరించదని ప్రచారం జరుగుతోంది. దీంతో వీరిద్దరి మధ్య వచ్చే సన్నివేశాలు కథలో మరింత ఆసక్తిని పెంచే అవకాశం ఉందని తెలుస్తోంది.
ఇక సినిమాలో మోహన్ బాబు ‘షికంజా మాలిక్’ అనే ప్రతినాయక పాత్రలో కనిపించనున్నారు. రాఘవ్ జుయాల్, తనికెళ్ల భరణి, సంపూర్ణేష్ బాబు, సోనాలి కులకర్ణి తదితరులు కీలక పాత్రల్లో నటిస్తున్నారు.
SLV సినిమాస్ బ్యానర్పై భారీ స్థాయిలో తెరకెక్కిన ఈ పాన్-ఇండియా చిత్రానికి శ్రీకాంత్ ఓదెల దర్శకత్వం వహిస్తున్నారు. నాని, మోహన్ బాబు పాత్రల మధ్య ఉన్న సంబంధం, సమ్మక్క–జడలు ఎమోషన్ కథలో ఎలా కీలకంగా మారుతుందనేది సినిమా విడుదల తర్వాతే పూర్తిగా తెలియనుంది.
