నందమూరి నటసింహం బాలకృష్ణ కెరీర్లో 111వ సినిమాగా తెరకెక్కుతున్న భారీ ప్రాజెక్ట్ ఇప్పటికే పట్టాలెక్కిన సంగతి తెలిసిందే. ఆయన హిట్ కాంబినేషన్ దర్శకుడు గోపీచంద్ మలినేని దర్శకత్వంలో రూపొందుతున్న ఈ సినిమా ఇటీవలే షూటింగ్ ప్రారంభించింది.
అయితే ఈ చిత్రంలో బాలయ్య సరసన హీరోయిన్ ఎవరు అన్నది ఇప్పటివరకు సస్పెన్స్గా మారింది. మొదట కోలీవుడ్ స్టార్ నయనతార పేరు వినిపించగా, ఆ తర్వాత మరో స్టార్ బ్యూటీ కాజల్ అగర్వాల్ పేరు తెరపైకి వచ్చింది. తాజా సమాచారం ప్రకారం, మేకర్స్ ఫైనల్గా కాజల్ అగర్వాల్తోనే ముందుకు వెళ్లాలని నిర్ణయించినట్టు తెలుస్తోంది.
ఇప్పటికే కాజల్తో తొలి షెడ్యూల్ కూడా మొదలవ్వబోతున్నట్లు టాక్. ఈ షెడ్యూల్ కోసం ఆమె ఈ నెల మొత్తం డేట్స్ కేటాయించినట్టు సమాచారం. అందువల్ల మే నెలంతా కాజల్ ఈ NBK 111 షూటింగ్తో బిజీగా ఉండనుందని చెప్పొచ్చు.
ఇక కాజల్ ఎంపికపై మేకర్స్ నుంచి అధికారిక ప్రకటన రావాల్సి ఉంది. అది వచ్చాక ఈ కాంబినేషన్పై హైప్ మరింత పెరగడం ఖాయం.