మంకీ బీ వైరస్ కోతుల నుండి మనుషులకి సోకే వ్యాధి. చైనాలో మొట్టమొదట మంకీ బీ వైరస్ కేసు నమోదయ్యింది. అలానే బీజింగ్‌కి చెందిన పశు వైద్యుడు కూడా ఈ మంకీ బీ వైరస్‌తో మరణించడం జరిగింది అని చైనా సీడీసీ ప్రకారం తెలుస్తోంది. ఈ 53 ఏళ్ల పశు వైద్యుడుకి ఏప్రిల్ నెలలో కొన్ని లక్షణాలు ఉన్నట్లు గుర్తించారు.
ఈ పశు వైద్యుడు వికారం మరియు వాంతులుతో సతమతమయ్యేవాడని తెలుస్తోంది. ఏప్రిల్లో ఈ లక్షణాలు ఉండగా.. ఆయన మే నెలలో మరణించాడు. మొట్టమొదటిసారి ఈ వ్యాధి 1932లో వచ్చింది. 2020 నాటికి 50 మంది ఈ ఇన్ఫెక్షన్ బారినపడ్డారు. వీళ్లలో 21 మంది మృతి చెందారు.ఇది మకాకా జాతికి చెందిన మకాక్లలో ఆల్ఫాహెర్పెస్వైరస్ ఎంజూటిక్. మానవులలో తీవ్రమైన సమస్యలని తీసుకొస్తుంది ఇది.
ఈ ఇన్ఫెక్షన్ డైరెక్ట్ కాంటాక్ట్ వల్ల వస్తుంది మరియు కోతులు యొక్క ఫ్లూయిడ్స్ కారణంగా కూడా ఇది వస్తుంది. మరణాల రేటు 70% నుండి 80% వరకు ఉంటుంది. సెంటర్ ఫర్ డిసీజ్ కంట్రోల్ అండ్ ప్రివెన్షన్ ప్రకారం మకాక్ మంకీస్‌లో ఈ వైరస్ కామన్‌గా ఉంటుంది. సలైవ, యూరిన్ లేదా బ్రెయిన్ లేదా స్పైనల్ కార్డ్ టిష్యూలో ఇది ఉంటుంది.
అదే విధంగా ఈ వైరస్ ఉన్న కోతుల సెల్స్ ల్యాబ్‌లో ఉండి ఉంటే.. ఆ సెల్స్ ద్వారా కూడా మనకు ఈ వైరస్ వస్తుంది.ఇన్ఫెక్ట్ అయిన కోతులు ఒకవేళ కరిచిన లేదా గీరినా వాటి ద్వారా అవి మనిషికి వస్తాయి లేదా ఇన్ఫెక్ట్ అయిన కోతి టిష్యూ లేదా ఫ్లూయిడ్ ద్వారా కూడా ఈ వైరస్ వస్తుంది.
లక్షణాలు అయితే ఒక నెల తర్వాత దీని యొక్క లక్షణాలు కనిపించే అవకాశం ఉంది. కానీ తక్కువగా వస్తాయి. మూడు నుండి వారం రోజుల పాటు ఈ లక్షణాలు కనిపించే అవకాశం ఉంది. అయితే ఈ వైరస్ ఇన్ఫెక్షన్ వల్ల ఎక్కువగా ఫ్లూ వస్తుంది. జ్వరం, తలనొప్పి, నీరసం వంటి లక్షణాలు కనబడతాయి అని నిపుణులు అంటున్నారు.
ఈ లక్షణాలతో పాటు చిన్న చిన్న గాయాలు లేదా కురుపులు వంటివి కలుగుతాయి. ఎక్కడైతే కోతి కాంటాక్ట్ అయ్యి ఉంటుందో ఆ ప్రదేశంలో ఇటువంటివి మనం గమనించవచ్చు. కొన్ని కొన్ని సార్లు శ్వాస సంబంధిత సమస్యలు, వికారం, వాంతులు, కడుపు నొప్పి, ఎక్కిళ్లు వంటివి కలుగుతాయి.
నొప్పి కలగడం, గాయమైన చోట దురద కలగడంలాంటివి కూడా ఉంటాయి. అలానే బ్రెయిన్ డామేజ్ మరియు నర్వస్ సిస్టమ్ డ్యామేజ్ కూడా అవుతుంది. ఇలా కనుక సీరియస్ అయితే మరణించడం జరుగుతుంది.ప్రస్తుతానికి అయితే బి వైరస్ ఇన్ఫెక్షన్‌కి ఎటువంటి వ్యాక్సిన్ లేదని నిపుణులు చెబుతున్నారు.ఎక్కువగా లాబరేటరీలో పని చేసే వారికి, పశువైద్యులకి మరియు ఎవరైతే కోతులతో పాటు ఉంటారో వాళ్ళకి వచ్చే అవకాశం ఉంది.మనిషి నుండి మరొక మనిషికి కేవలం ఇప్పటికి ఒకరికి మాత్రమే వచ్చింది.