‘Pallaburusu’ నుంచి ‘Kotha Soku ‘ Song విడుదల.. ఫోక్ బీట్తో ఆకట్టుకున్న మేకర్స్
Pallaburusu Kotha Soku Song ప్రేక్షకుల ముందుకు వచ్చింది. అన్నపూర్ణ స్టూడియోస్ సమర్పణలో, ఆదిత్య పిట్టి, వివేక్ కృష్ణాని నిర్మిస్తున్న ఈ చిత్రానికి ఉదయ్ చౌహాన్ దర్శకత్వం వహిస్తున్నారు. ఇప్పటికే టైటిల్ పోస్టర్, గ్లింప్స్తో ఆసక్తిని పెంచిన ఈ సినిమా ఆగస్టు 14న ప్రేక్షకుల ముందుకు రానుంది.
తాజాగా విడుదలైన ‘Kotha Soku ‘ పాట పూర్తిస్థాయి గ్రామీణ నేపథ్యంతో రూపొందింది. పల్లె సంస్కృతి, మనుషుల మధ్య బంధాలు, గ్రామీణ జీవనశైలిని ఉత్సాహభరితమైన ఫోక్ టచ్తో ఈ పాటలో చూపించారు. గ్రామమంతా ఒక వేడుకలా మారేలా తెరకెక్కించిన విజువల్స్ ప్రత్యేక ఆకర్షణగా నిలుస్తున్నాయి.
ఈ చిత్రంలో సుధాకర్ రెడ్డి ప్రధాన పాత్రలో నటిస్తుండగా, ఆయన ఎనర్జిటిక్ స్క్రీన్ ప్రెజెన్స్ ఈ పాటకు మరింత ఆకర్షణ తీసుకొచ్చింది. మరో కీలక పాత్రలో మురళీధర్ గౌడ్ కనిపించనున్నారు. యాక్షన్, రొమాంటిక్ సినిమాలకు భిన్నంగా గ్రామీణ భావోద్వేగాల నేపథ్యంలో రూపొందుతున్న చిత్రంగా పల్లబురుసు నిలవనుందని మేకర్స్ చెబుతున్నారు.
పవన్ CH స్వరపరిచిన ఈ పాటను కుమారా వాగ్దేవి ఆలపించారు. సురేష్ గంగుల అందించిన సాహిత్యం ఫోక్ ఫీల్ను మరింత బలపరిచింది. విడుదలైన కొద్ది సమయంలోనే ఈ పాటకు సోషల్ మీడియాలో మంచి స్పందన లభిస్తోంది.
సినిమా విడుదలకు ముందు మరిన్ని ప్రచార కార్యక్రమాలు, అప్డేట్స్ను త్వరలో ప్రకటించనున్నట్లు చిత్రబృందం తెలిపింది.
