ఎప్పటికప్పుడు కొత్తదనం వున్న కథలపైనే రాజ్ తరుణ్ దృష్టిపెట్టాడు. సరైన కథల ఎంపిక కోసం కొంత గ్యాప్ తీసుకున్న ఆయన, దర్శకుడు విజయ్ కుమార్ కొండాకి గ్రీన్ సిగ్నల్ ఇచ్చేశాడు. కె.కె.రాధా మోహన్ నిర్మిస్తోన్న ఈ సినిమాను, కొంతసేపటి క్రితం లాంచ్ చేశారు.ఈ సినిమాకి సంగీత దర్శకుడిగా అనూప్ రూబెన్స్ ను తీసుకున్నారు. ఆగస్టు నుంచి ఈ సినిమా రెగ్యులర్ షూటింగు మొదలుకానుంది. రొమాంటిక్ లవ్ ఎంటర్‌టైనర్‌గా తెరకెక్కబోతున్న ఈ చిత్ర పూజా కార్యక్రమాలు ఇవాళ హైదరాబాద్‌లో జరిగాయి. ఈ కార్యక్రమంలో చిత్రయూనిట్ పాల్గొంది. ఇక ప్రస్తుతం ఈ మూవీకి ప్రీ ప్రొడక్షన్ పనులు జరుగుతుండగా.. ఆగష్టు నుంచి రెగ్యులర్ షూటింగ్ జరుపుకోనుంది. శ్రీ సత్యసాయి ఆర్ట్స్ పతాకంపై రాధా మోహన్ నిర్మిస్తోన్న ఈ మూవీకి అనూప్ రూబెన్స్ సంగీతం అందిస్తున్నాడు. ఇక ఈ చిత్రంలో రాజ్ తరుణ్ సరసన అదితీరావు హైదారీ నటించబోతున్నట్లు సమాచారం.