బాలీవుడ్లో అత్యంత ప్రతిష్టాత్మకంగా తెరకెక్కుతున్న పాన్ వరల్డ్ చిత్రం ‘రామాయణ’ (Ramayana) ప్రపంచవ్యాప్తంగా తన ప్రమోషన్స్ను ప్రారంభించింది. దర్శకుడు నితీష్ తివారి తెరకెక్కిస్తున్న ఈ భారీ చిత్రంలో రణబీర్ కపూర్, సాయి పల్లవి, యష్ ప్రధాన పాత్రల్లో నటిస్తున్నారు. అంతర్జాతీయ ప్రేక్షకులను దృష్టిలో పెట్టుకుని చిత్రబృందం సినిమాను భారీ స్థాయిలో విడుదల చేయడానికి సన్నాహాలు చేస్తోంది.
ఈ క్రమంలో హాలీవుడ్ స్టూడియో సోనీ పిక్చర్స్ సహకారంతో ‘రామాయణ’ ట్రైలర్ను ఇంగ్లీష్ వెర్షన్లో విడుదల చేశారు. ఈ ట్రైలర్లో ఏఐ టెక్నాలజీ సహాయంతో నటీనటుల లిప్ సింక్ను ఇంగ్లీష్కు అనుగుణంగా మార్చడం ప్రత్యేక ఆకర్షణగా నిలిచింది.
అంతేకాకుండా ట్రైలర్తో పాటు సినిమా విడుదల తేదీని కూడా మేకర్స్ అధికారికంగా ప్రకటించారు. ప్రపంచవ్యాప్తంగా నవంబర్ 6న ‘రామాయణ’ ప్రేక్షకుల ముందుకు రానుందని వెల్లడించారు. దీంతో ఈ చిత్రం అంతర్జాతీయ స్థాయిలో మరింత గుర్తింపు దక్కించుకునే అవకాశాలు కనిపిస్తున్నాయి.
భారీ విజువల్స్తో రూపొందుతున్న ఈ చిత్రానికి ప్రముఖ హాలీవుడ్ సంగీత దర్శకుడు హాన్స్ జిమ్మర్ సంగీతం అందిస్తుండగా, నమిత్ మల్హోత్రా నిర్మాణ బాధ్యతలు చేపట్టారు. ప్రపంచ సినీ ప్రేక్షకులు ఆసక్తిగా ఎదురుచూస్తున్న ఈ ప్రాజెక్ట్పై రోజురోజుకూ అంచనాలు పెరుగుతున్నాయి.
