బాలీవుడ్ స్టార్ హీరో రణబీర్ కపూర్, దర్శకుడు నితీష్ తివారి కాంబినేషన్‌లో తెరకెక్కిన భారీ ఎపిక్ చిత్రం ‘రామాయణ’ Ramayana ప్రేక్షకుల ముందుకు వచ్చి బాక్సాఫీస్ వద్ద సత్తా చాటుతోంది. హాలీవుడ్ స్థాయి విజువల్స్‌తో రూపొందిన ఈ సినిమాలో పలువురు ప్రముఖ నటీనటులు భాగమయ్యారు. విడుదలైన మొదటి రోజే ఈ చిత్రానికి మంచి స్పందనతో పాటు భారీ అడ్వాన్స్ బుకింగ్స్ కూడా నమోదయ్యాయి.
మొదటి రోజు ప్రపంచవ్యాప్తంగా రూ.155 కోట్ల గ్రాస్!
‘రామాయణ’ ప్రపంచవ్యాప్తంగా ఎంతటి ఓపెనింగ్స్ సాధిస్తుందనే ఆసక్తి ప్రేక్షకులు, ట్రేడ్ వర్గాల్లో నెలకొంది. తాజాగా ఈ సినిమా మొదటి రోజు కలెక్షన్స్‌పై చిత్రబృందం అధికారిక ప్రకటన చేసింది.
మేకర్స్ వెల్లడించిన వివరాల ప్రకారం, ఈ చిత్రం ప్రపంచవ్యాప్తంగా మొదటి రోజు ఏకంగా రూ.155 కోట్ల గ్రాస్ వసూళ్లను సాధించింది. దీంతో ఈ ఏడాది భారీ ఓపెనింగ్స్ అందుకున్న చిత్రాల్లో ఒకటిగా ‘రామాయణ’ నిలిచింది.
రానున్న రోజుల్లో మరింత ర్యాంపేజ్?
మొదటి రోజే ఈ స్థాయి వసూళ్లు సాధించడంతో రానున్న రోజుల్లో సినిమా బాక్సాఫీస్ ప్రయాణంపై అంచనాలు పెరిగాయి. ప్రేక్షకుల నుంచి ఇదే స్థాయిలో స్పందన కొనసాగితే మరిన్ని భారీ వసూళ్లు నమోదయ్యే అవకాశం ఉంది. మొత్తానికి ‘రామాయణ’ బాక్సాఫీస్ వద్ద మంచి ఆరంభాన్ని అందుకుంది.
ఈ చిత్రంలో సాయి పల్లవి, యష్, సన్నీ డియోల్ తదితరులు కీలక పాత్రల్లో నటించారు. ఏఆర్ రెహమాన్, హన్స్ జిమ్మర్ సంగీతం అందించగా, నమిత్ మల్హోత్రా నిర్మాణ బాధ్యతలు చేపట్టారు.
