రౌడీ స్టార్ విజయ్ దేవరకొండ, నేషనల్ క్రష్ రష్మిక మందన్న జంటగా టాలెంటెడ్ డైరెక్టర్ రాహుల్ సంకృత్యాన్ తెరకెక్కిస్తున్న ప్రతిష్టాత్మక పాన్ ఇండియా చిత్రం ‘రణబాలి’ Ranabaali. ఇప్పటికే ఈ సినిమాపై భారీ అంచనాలు నెలకొనగా.. తాజాగా మేకర్స్ విడుదల చేసిన టీజర్ ఆ అంచనాలను మరింత పెంచేలా ఉంది. టీజర్ చూస్తే నిజంగానే ఇది విజయ్ దేవరకొండ కెరీర్లో మరో ప్రత్యేకమైన సినిమాగా నిలిచే అవకాశాలు కనిపిస్తున్నాయి.
చరిత్రలో పెద్దగా ప్రస్తావనకు రాని ఓ స్వాతంత్ర్య సమరయోధుడి జీవితంలోని ఆసక్తికరమైన ఘట్టాల ఆధారంగా ఈ కథను రూపొందించినట్లు తెలుస్తోంది. బ్రిటిష్ పాలన సమయంలో భారతీయులు ఎదుర్కొన్న అణచివేత, బాధలు, పోరాటాన్ని దర్శకుడు రాహుల్ సంకృత్యాన్ టీజర్లో చాలా హార్డ్ హిట్టింగ్గా చూపించారు. అప్పటి కాలాన్ని ప్రతిబింబించే విజువల్స్, భారీ సెట్స్, యాక్షన్ సన్నివేశాలు సినిమాపై ఆసక్తిని పెంచుతున్నాయి.
ఇక టీజర్లో విలన్ పాత్రను కూడా అత్యంత క్రూరమైన షేడ్స్లో చూపించారు. హీరో పాత్రను ఎలివేట్ చేసేలా విలన్ క్యారెక్టరైజేషన్ను డిజైన్ చేసిన తీరు ఆకట్టుకుంటోంది. ఈ బలమైన నేపథ్యానికి విజయ్ దేవరకొండ పాత్ర ఎంట్రీ ఇచ్చినప్పటి నుంచి టీజర్ పూర్తిగా మరో స్థాయికి వెళ్తుంది.
‘రణబాలి’ పాత్రలో విజయ్ దేవరకొండ లుక్, బాడీ లాంగ్వేజ్, డైలాగ్ డెలివరీ ప్రత్యేక ఆకర్షణగా నిలిచాయి. కొన్ని సన్నివేశాల్లో విజయ్ కనిపించడం కంటే.. ఆ పాత్రే కనిపిస్తున్న అనుభూతి కలిగేలా ఆయన పెర్ఫార్మెన్స్ ఉంది. యాక్షన్తో పాటు ఎమోషనల్ సీన్స్లోనూ ఆయన నటన బలంగా కనిపిస్తోంది. ప్రతి ఫ్రేమ్లో పాత్రకు తగ్గట్టుగా తనను తాను మార్చుకున్న తీరు ఆకట్టుకుంటోంది.
టీజర్కు కెమెరా వర్క్ కూడా ప్రధాన బలంగా నిలిచింది. బ్రిటిష్ కాలం నాటి వాతావరణాన్ని తెరపైకి తీసుకురావడంలో విజువల్స్ మంచి ఇంపాక్ట్ను క్రియేట్ చేస్తున్నాయి. దీనికి తోడు బ్యాక్గ్రౌండ్ స్కోర్, సౌండ్ డిజైన్ టీజర్లోని ఇంటెన్సిటీని మరింత పెంచాయి. యాక్షన్, ఎమోషన్, విజువల్స్ను బ్యాలెన్స్ చేస్తూ కట్ చేసిన టీజర్ సినిమాపై క్యూరియాసిటీ పెంచుతోంది.
మొత్తంగా చూస్తే.. ‘రణబాలి’ టీజర్ విజయ్ దేవరకొండ అభిమానులకు మంచి ట్రీట్ అని చెప్పొచ్చు. భారీ స్థాయి యాక్షన్, బలమైన కథ, ఇంటెన్స్ క్యారెక్టరైజేషన్తో సినిమా తెరకెక్కినట్లు టీజర్ హింట్ ఇస్తోంది. ఈ దసరా సీజన్లో ‘రణబాలి’తో విజయ్ దేవరకొండ బలమైన కంబ్యాక్ ఇచ్చే అవకాశాలు కనిపిస్తున్నాయి.
ఈ ప్రతిష్టాత్మక చిత్రాన్ని మైత్రి మూవీ మేకర్స్ భారీ స్థాయిలో నిర్మిస్తోంది. పాన్ ఇండియా స్థాయిలో తెరకెక్కుతున్న ఈ సినిమాపై టీజర్తో అంచనాలు మరింత పెరిగాయి. మరి ‘రణబాలి’తో విజయ్ దేవరకొండ ఎలాంటి సంచలనం సృష్టిస్తాడో తెలియాలంటే సినిమా విడుదల వరకు వేచి చూడాల్సిందే.
