టాలీవుడ్ సెన్సేషనల్ స్టార్ విజయ్ దేవరకొండ హీరోగా, రష్మిక మందన్నా కథానాయికగా నటిస్తున్న మోస్ట్ అవైటెడ్ పాన్ ఇండియా చిత్రం ‘రణబాలి’ Ranabaali. దర్శకుడు రాహుల్ తెరకెక్కిస్తున్న ఈ సినిమా పీరియాడిక్ బ్యాక్డ్రాప్లో భారీ బడ్జెట్తో రూపొందుతోంది. విజయ్, రష్మిక కాంబినేషన్ మరోసారి తెరపైకి వస్తుండటంతో ఈ సినిమాపై ప్రేక్షకుల్లో భారీ అంచనాలు ఉన్నాయి.
‘రణబాలి’ చిత్రాన్ని తొలుత సెప్టెంబర్లో ప్రేక్షకుల ముందుకు తీసుకురావాలని మేకర్స్ నిర్ణయించారు. అయితే కొన్ని అనివార్య కారణాల వల్ల ఈ సినిమా విడుదల వాయిదా పడింది. దీంతో కొత్త రిలీజ్ డేట్ కోసం విజయ్ అభిమానులు ఆసక్తిగా ఎదురుచూస్తున్నారు.
ఈ నేపథ్యంలో నిర్మాణ సంస్థ మైత్రి మూవీ మేకర్స్ తాజాగా ఓ పవర్ఫుల్ పోస్టర్ను విడుదల చేస్తూ ‘రణబాలి’ కొత్త విడుదల తేదీని అధికారికంగా ప్రకటించింది. ఈ సినిమా అక్టోబర్ 16న పాన్ ఇండియా స్థాయిలో గ్రాండ్గా ప్రేక్షకుల ముందుకు రాబోతున్నట్లు వెల్లడించింది.
కొత్తగా విడుదల చేసిన పోస్టర్లో విజయ్ దేవరకొండ లుక్ ప్రత్యేక ఆకర్షణగా నిలిచింది. ఆయన కనిపిస్తున్న తీరు సినిమాపై ఆసక్తిని మరింత పెంచేలా ఉంది. పీరియాడిక్ కథాంశం, భారీ నిర్మాణ విలువలతో తెరకెక్కుతున్న ఈ చిత్రం విజయ్ కెరీర్లో మరో ప్రత్యేక సినిమాగా నిలుస్తుందనే అంచనాలు ఉన్నాయి.
ఇక ఈ చిత్రానికి అజయ్, అతుల్ సంగీతం అందిస్తున్నారు. మైత్రి మూవీ మేకర్స్ నిర్మిస్తున్న ఈ సినిమా తెలుగు, తమిళ, హిందీ సహా పలు భాషల్లో అక్టోబర్ 16న ప్రపంచవ్యాప్తంగా విడుదల కానుంది.
