మన టాలీవుడ్ మోస్ట్ లవబుల్ సీనియర్ స్టార్ హీరో విక్టరీ వెంకటేష్ హీరోగా నటించిన లేటెస్ట్ మూవీ “సైంధవ్” కోసం అందరికీ తెలిసిందే. యంగ్ అండ్ టాలెంటెడ్ దర్శకుడు శైలేష్ కొలను తెరకెక్కించిన ఈ సాలిడ్ యాక్షన్ మరియు ఎమోషనల్ డ్రామా గా రిలీజ్ అయ్యింది కానీ ఈ మూవీ థియేటర్స్ లో అనుకున్న రేంజ్ సక్సెస్ అయితే అందుకోలేదు. అయితే ఇప్పుడు ఫైనల్ గా ఓటిటి రిలీజ్ డేట్ ను లాక్ చేసుకున్నట్టుగా బజ్ ఇప్పుడు వినిపిస్తుంది.
మరి ఈ బజ్ ప్రకారం ఈ మూవీ ఈ ఫిబ్రవరి 2 నుంచి స్ట్రీమింగ్ లోకి వస్తుంది అని టాక్. అయితే ఈ మూవీ స్ట్రీమింగ్ హక్కులు ప్రముఖ స్ట్రీమింగ్ సంస్థ అమెజాన్ ప్రైమ్ వీడియో సొంతం చేసుకుకున్న సంగతి తెలిసిందే. మరి దీనిపై అధికారిక క్లారిటీ కూడా రావాల్సి ఉంది. ఇక ఈ మూవీ కి సంతోష్ నారాయణన్ సంగీతం అందించగా నిహారిక ఎంటర్టైన్మెంట్స్ వారు నిర్మాణం వహించారు.
