ఇండియాస్ బిగ్గెస్ట్ సూపర్స్టార్ ప్రభాస్ ప్రస్తుతం వరుస సినిమాలతో బిజీగా ఉన్న సంగతి తెలిసిందే. ఆయన నటిస్తున్న ప్రతిష్టాత్మక చిత్రాల్లో దర్శకుడు ప్రశాంత్ నీల్ తెరకెక్కిస్తున్న అవైటెడ్ యాక్షన్ సీక్వెల్ ‘సలార్ 2’ (Salaar 2) కూడా ఒకటి. ‘సలార్’కు కొనసాగింపుగా రూపొందుతున్న ఈ సినిమాపై పాన్ ఇండియా స్థాయిలో భారీ అంచనాలు నెలకొన్నాయి. ఇప్పటికే ఈ చిత్రానికి సంబంధించిన కొంత షూటింగ్ పూర్తైనట్లు తెలుస్తోంది.
ఇదిలా ఉంటే ‘సలార్ 2’ కోసం ఆసక్తిగా ఎదురుచూస్తున్న ప్రభాస్ అభిమానులకు తాజాగా ఓ కీలక అప్డేట్ వినిపిస్తోంది. ఈ సినిమాను ఎట్టి పరిస్థితుల్లోనూ వచ్చే ఏడాదిలోనే మళ్లీ పట్టాలెక్కించాలని మేకర్స్ నిర్ణయించినట్లు సమాచారం. దీంతో 2027లో ‘సలార్ 2’ మిగిలిన షూటింగ్ను పూర్తి చేసే అవకాశాలు ఉన్నాయని సినీ వర్గాల్లో టాక్ నడుస్తోంది.
అయితే ప్రస్తుతం దర్శకుడు ప్రశాంత్ నీల్ మరోవైపు ఎన్టీఆర్తో ‘డ్రాగన్’ సినిమాతో బిజీగా ఉన్నారు. ఈ సినిమా రెండు భాగాలుగా తెరకెక్కనున్నట్లు ప్రచారం జరుగుతోంది. మరి ‘డ్రాగన్’ రెండు భాగాల షూటింగ్ను పూర్తి చేసి ప్రశాంత్ నీల్ ఎప్పుడు ‘సలార్ 2’పై పూర్తిగా దృష్టి పెడతారనేది ఆసక్తికరంగా మారింది.
ఇక ‘సలార్ 2’లో ప్రభాస్తో పాటు పృథ్వీరాజ్ సుకుమారన్, శ్రుతి హాసన్ తదితరులు కీలక పాత్రల్లో కనిపించనున్నారు. హోంబలే ఫిల్మ్స్ భారీ స్థాయిలో ఈ చిత్రాన్ని నిర్మిస్తోంది. ‘సలార్’కు వచ్చిన స్పందనతో సీక్వెల్పై అంచనాలు మరింత పెరిగాయి. మరి 2027లో ఈ సినిమా షూటింగ్ ఎంత వేగంగా పూర్తవుతుందో చూడాలి.
