మెగాస్టార్ చిరంజీవి హీరోగా తెరకెక్కుతున్న భారీ ఫాంటసీ చిత్రం ‘విశ్వంభర’ (vishwambhara). చిరంజీవి కెరీర్లో వచ్చిన స్ట్రెయిట్ సినిమాల్లో ఫాంటసీ జానర్లో రూపొందుతున్న చిత్రంగా ప్రకటించడంతో ఈ సినిమాపై మొదట్లో భారీ అంచనాలు నెలకొన్నాయి. కొత్త ప్రపంచం, గ్రాండ్ విజువల్స్తో సినిమా ఉంటుందనే ప్రచారం కూడా అభిమానుల్లో ఆసక్తిని పెంచింది. అయితే సినిమా నిర్మాణం ఆలస్యం అవుతూ రావడంతో ఆ హైప్ క్రమంగా తగ్గుతూ వచ్చింది.
నిజానికి ఈ ఏడాది వేసవిలోనే ‘విశ్వంభర’ ప్రేక్షకుల ముందుకు రావాల్సి ఉంది. కానీ ఇప్పటివరకు విడుదలకు సంబంధించి ఎలాంటి స్పష్టత లేదు. మరోవైపు మెగాస్టార్ చిరంజీవి పుట్టినరోజు మరో మూడు రోజుల్లో ఉండటంతో ఆయన 158వ సినిమాకు సంబంధించిన అప్డేట్స్పై ప్రస్తుతం చర్చ జరుగుతోంది. అయితే ‘విశ్వంభర’ టీమ్ నుంచి మాత్రం ఎలాంటి అధికారిక సమాచారం లేకపోవడం అభిమానులను ఆశ్చర్యానికి గురిచేస్తోంది.
కనీసం చిన్నపాటి అప్డేట్ ఇచ్చినా సినిమాపై అభిమానుల్లో మళ్లీ ఆసక్తి పెరిగే అవకాశం ఉంది. కానీ మేకర్స్ మాత్రం ఇప్పటివరకు ఎలాంటి హడావుడి లేకుండా సైలెంట్గా ఉండటం చర్చకు దారితీస్తోంది. ముఖ్యంగా చిరంజీవి బర్త్డేను కూడా పట్టించుకోకుండా సినిమా టీమ్ మౌనం పాటిస్తుండటంపై ఫ్యాన్స్లో భిన్నాభిప్రాయాలు వ్యక్తమవుతున్నాయి.
మరి ఈ పరిస్థితిని మార్చేందుకు ‘విశ్వంభర’ టీమ్ వరుస అప్డేట్స్తో అభిమానులను సర్ప్రైజ్ చేస్తుందా? లేక సినిమాను లైట్గా తీసుకుని మరికొంత కాలం ఇదే సైలెంట్ మోడ్లో కొనసాగిస్తుందా? అనేది రాబోయే కొన్ని రోజుల్లోనే స్పష్టమయ్యే అవకాశం ఉంది.
