రెబల్ స్టార్ ప్రభాస్ ప్రధాన పాత్రలో, డైరెక్టర్ ప్రశాంత్ నీల్ దర్శకత్వం లో తెరకెక్కిన భారీ యాక్షన్ ఎంటర్టైనర్ సలార్ సినిమా డిసెంబర్ 22, 2023 న వరల్డ్ వైడ్ గా థియేటర్ల లో రిలీజ్ కానున్నది . ఈ పాన్ ఇండియా సినిమా కోసం ఫ్యాన్స్ ఎంతో ఆసక్తిగా ఎదురుచూస్తూ ఉన్నారు . ఇప్పటికే ఈ సినిమా నుండి రిలీజైన ప్రచార సినిమా లకి ప్రేక్షకుల నుండి, అభిమానుల నుండి సూపర్ రెస్పాన్స్ వచ్చింది. రిలీజైన ట్రైలర్ ఆడియెన్స్ లో భారీ అంచనాలను ఒక్కసారిగా పెంచేసింది. అయితే ఈ సినిమా ట్రైలర్ భారీ వ్యూస్ తో దూసుకు పోతుంది.
ఇప్పటి వరకూ ఈ ట్రైలర్ 135 మిలియన్స్ కి పైగా వ్యూస్ ని సొంతం చేసుకుంది. శృతి హాసన్ లేడీ లీడ్ రోల్ లో నటించిన ఈ సినిమా లో జగపతి బాబు, పృథ్వీ రాజ్, శ్రియా రెడ్డి తదితరులు కీలక పాత్రల్లో నటించారు. హొంబలే ఫిల్మ్స్ బ్యానర్ పై విజయ్ కిరగందూర్ నిర్మించిన ఈ సినిమా కి రవి బస్రూర్ సంగీతాన్ని అందించారు.
