Sandeep Reddy Vanga సాధారణంగా ఇతర సినిమాలపై ఎక్కువగా స్పందించరు. అయితే తాజాగా ఒక తెలుగు సినిమాను చూసిన ఆయన ప్రశంసలు కురిపించారు. అంతేకాదు సినిమా కోసం మూడు గంటల సమయం కేటాయించి తప్పక చూడాలని సినీ ప్రేమికులను కోరారు.
‘అర్జున్ రెడ్డి’, ‘యానిమల్’ సినిమాలతో పాన్ ఇండియా స్థాయిలో గుర్తింపు తెచ్చుకున్న సందీప్ రెడ్డి వంగా ప్రస్తుతం ప్రభాస్తో ‘స్పిరిట్’ సినిమాను తెరకెక్కిస్తున్నారు. ఈ సినిమా పనుల్లో బిజీగా ఉన్న ఆయన తాజాగా సత్యదేవ్ ప్రధాన పాత్రలో నటించిన ‘రావు బహదూర్’ సినిమాను చూశారు.
Sandeep Reddy Vanga ప్రశంసలు అందుకున్న ‘రావు బహదూర్’
వెంకటేష్ మహా దర్శకత్వంలో తెరకెక్కిన ‘రావు బహదూర్’ జూలై 3న ప్రేక్షకుల ముందుకు వచ్చింది. సైకలాజికల్ థ్రిల్లర్గా రూపొందిన ఈ సినిమాకు థియేటర్లలో మిశ్రమ స్పందన వస్తున్నప్పటికీ, సత్యదేవ్ నటనపై ప్రశంసలు వినిపిస్తున్నాయి.
తాజాగా సినిమా చూసిన Sandeep Reddy Vanga సోషల్ మీడియా వేదికగా తన అభిప్రాయాన్ని పంచుకున్నారు. సినిమాలను ఎందుకు ప్రేమిస్తామో గుర్తు చేసే అరుదైన చిత్రాల్లో ‘రావు బహదూర్’ ఒకటని ఆయన ప్రశంసించారు.
సినిమాను నిజంగా ప్రేమించే ప్రతి ఒక్కరూ తమ జీవితంలో మూడు గంటల సమయాన్ని ఈ చిత్రం కోసం కేటాయించాలని కోరారు. ప్రేక్షకుల శ్రద్ధ, ఓపిక, చప్పట్లకు ఈ సినిమా అర్హమైనదని పేర్కొన్నారు.
పరిమిత బడ్జెట్, ఆర్థిక పరిమితులు ఉన్నప్పటికీ దర్శకుడు వెంకటేష్ మహా సినిమాను ఎంతో ఖచ్చితత్వంతో తెరకెక్కించారని సందీప్ అభినందించారు. ఇలాంటి విభిన్నమైన కథను తెరపైకి తీసుకురావడానికి ధైర్యం, బలమైన నమ్మకం అవసరమని పేర్కొన్నారు.
సత్యదేవ్ నటనను కూడా ప్రత్యేకంగా ప్రశంసించిన Sandeep Reddy Vanga, సినిమాలో ఎలాంటి హడావుడి లేదా షార్ట్కట్స్ కనిపించలేదని, స్వచ్ఛమైన ఫిల్మ్ మేకింగ్ కనిపించిందని అభిప్రాయపడ్డారు. ఇలాంటి విభిన్న సినిమాలను ప్రేక్షకులు ఆదరించాలని కోరుతూ ‘రావు బహదూర్’ చిత్ర బృందానికి అభినందనలు తెలిపారు.
