Spirit Movie Update: పాన్ ఇండియా స్టార్ ప్రభాస్ వరుస ప్రాజెక్టులతో బిజీగా ఉన్నప్పటికీ, పలు కారణాల వల్ల షూటింగ్ షెడ్యూల్స్లో మార్పులు చోటు చేసుకుంటున్నాయి. ప్రస్తుతం ఆయన ‘ఫౌజీ’ సినిమా షూటింగ్లో పాల్గొంటుండటంతో, దర్శకుడు సందీప్ రెడ్డి వంగా తెరకెక్కించనున్న ప్రతిష్టాత్మక చిత్రం స్పిరిట్ షూటింగ్కు తాత్కాలిక బ్రేక్ పడినట్లు సమాచారం. ఒకే సమయంలో పలు సినిమాలకు డేట్స్ కేటాయించడం, మధ్యలో విదేశీ ప్రయాణాలు ఉండటం వల్ల షెడ్యూల్స్ మారుతూ వస్తున్నాయట.
ఇదిలా ఉండగా, అమితాబ్ బచ్చన్ వంటి దిగ్గజాలతో రూపొందుతున్న కల్కి 2898 AD సీక్వెల్ కోసం కూడా ప్రభాస్ డేట్స్ ఇవ్వాల్సి ఉంది. ఈ కారణాలతో ‘స్పిరిట్’ తొలుత అనుకున్న మార్చి 2027 రిలీజ్ కష్టమవుతోందని టాక్. అందుకే, ఈ చిత్రాన్ని డిసెంబర్ 1, 2027న విడుదల చేయాలనే ఆలోచనలో ఉన్నారట. ఆసక్తికరంగా, సందీప్ వంగా దర్శకత్వంలో వచ్చిన యానిమల్ కూడా ఇదే తేదీన రిలీజై బాక్సాఫీస్ వద్ద సంచలనం సృష్టించిన విషయం తెలిసిందే.
ఈ భారీ బడ్జెట్ చిత్రంలో ప్రభాస్ పవర్ఫుల్ పోలీస్ ఆఫీసర్గా కనిపించనుండగా, హీరోయిన్గా తృప్తి దిమ్రి నటిస్తోంది. టి-సిరీస్ మరియు శ్రీ భద్రకాళి పిక్చర్స్ సంయుక్తంగా నిర్మిస్తున్న ఈ సినిమాపై అభిమానుల్లో అంచనాలు ఆకాశాన్ని తాకుతున్నాయి. షూటింగ్ ఆలస్యమైనా, అవుట్పుట్ విషయంలో ఎలాంటి రాజీ లేకుండా పక్కా ప్లానింగ్తో ముందుకు సాగాలని చిత్రబృందం భావిస్తున్నట్లు తెలుస్తోంది.