NBK 112 Update: నటసింహం నందమూరి బాలకృష్ణ మరియు దర్శకుడు కొరటాల శివ కాంబినేషన్లో ఓ భారీ చిత్రం రూపొందనుందని సమాచారం. ఈ సినిమాలో బాలయ్య బాబు పూర్తిగా కొత్త మేకోవర్తో కనిపించనున్నారని టాక్. అలాగే హీరోయిన్గా విద్యా బాలన్ పేరు వినిపిస్తోంది. అంతేకాదు, బాలీవుడ్ స్టార్ సంజయ్ దత్ కూడా ఓ కీలక పాత్రలో నటించే అవకాశముందట. ఇవన్నీ నిజమైతే సినిమాపై హైప్ మామూలుగా ఉండదు. ఆగస్టు నెలలో షూటింగ్ ప్రారంభమయ్యే ఛాన్స్ ఉందని తెలుస్తోంది.
ఈ చిత్రంలో ఫ్లాష్బ్యాక్ భాగంలో బాలయ్య బాబు పాత్ర మాఫియా బ్యాక్డ్రాప్లో ఉంటుందని సమాచారం. మొత్తం మీద కొరటాల శివ బాలయ్యను ఫుల్ మాస్ అవతార్లో ప్రెజెంట్ చేయనున్నారట. ఫ్యామిలీ ఎమోషన్స్కు కూడా మంచి ప్రాధాన్యం ఉండనుందని, కథ కూడా కొత్తగా ఉండబోతోందని టాక్. దేవర తర్వాత కొరటాల శివ చేస్తున్న సినిమా కావడంతో కథపై ప్రత్యేకంగా కసరత్తులు చేశారట. ఈ సినిమాను సుధాకర్ చెరుకూరి మరియు సుధాకర్ మిక్కిలినేని కలిసి నిర్మిస్తున్నారు.