Trisha: ఇప్పుడంతా దేశవ్యాప్తంగా మార్మోగుతున్న పేరు ఒక్కటే. అదే దళపతి విజయ్ కాదు… TVK విజయ్. విజయ్ స్థాపించిన తమిళగ వెట్రి కళగం (TVK) పార్టీ తక్కువ సమయంలోనే రాజకీయాల్లో సంచలనం సృష్టించింది. ఎన్నికల్లో 100కు పైగా స్థానాల్లో విజయం సాధించడం రాజకీయ వర్గాలను ఆశ్చర్యానికి గురి చేసింది. సోషల్ మీడియా మొత్తం విజయ్ పేరుతో మార్మోగిపోతోంది.
ఈ హడావుడిలో నటి త్రిష పేరు కూడా ట్రెండింగ్లోకి రావడం ఆసక్తికరంగా మారింది. ఇటీవల విజయ్ ఇంటికి త్రిష వెళ్లిన వీడియోలు వైరల్ అవుతుండగా, ఆమె గతంలో ఇచ్చిన ఓ ఇంటర్వ్యూ ఇప్పుడు నెట్టింట హాట్ టాపిక్గా మారింది. ఆ ఇంటర్వ్యూలో “భవిష్యత్తులో మీరు ఏమవ్వాలనుకుంటున్నారు?” అన్న ప్రశ్నకు త్రిష సరదాగా “రాబోయే పదిేళ్లలో నేను సీఎం అవుతాను” అంటూ చెప్పిన స్టేట్మెంట్ అప్పట్లో నవ్వులకే పరిమితమైంది. కానీ ప్రస్తుతం విజయ్ పార్టీ సాధిస్తున్న ఘన విజయం నేపథ్యంలో అదే వీడియో మరోసారి వైరల్ అవుతోంది.
విజయ్ రాజకీయాల్లోకి ఎంట్రీ ఇస్తున్నారన్న వార్తల నుంచి త్రిష ఆయన పార్టీలో చేరుతుందన్న ప్రచారం జోరుగా నడిచింది. మరోవైపు వీరిద్దరి మధ్య ఎఫైర్ ఉందన్న టాక్ కూడా అప్పట్లో హాట్గా మారింది. ఆ సమయంలో ఇద్దరూ కలిసి బహిరంగంగా కనిపించడం ఆ వార్తలకు మరింత బలం చేకూర్చింది. అనంతరం విజయ్ భార్య విడాకుల కోసం అప్లై చేయడం కూడా పెద్ద సంచలనంగా మారింది.
ఇదిలా ఉండగా, ఇవాళ త్రిష పుట్టినరోజు కావడంతో, నెటిజెన్లు **పుష్ప 2**లోని ఓ సన్నివేశాన్ని గుర్తు చేస్తూ సోషల్ మీడియాలో వైరల్ చేస్తున్నారు. రాజకీయాలు, సినిమా, వైరల్ వీడియోలు… ఈ మూడింటి సంగమంగా త్రిష పేరు మరోసారి ఫుల్ ట్రెండ్ అవుతోంది.