అఖండ మూవీ తో సంచలన విజయం సాధించిన బోయపాటి శ్రీను ఇప్పుడు రామ్ తో స్కంద అంటూ ప్రేక్షకుల ముందుకు రానున్నారు. మాస్ యాక్షన్ ఎంటర్టైనర్ గా తెరకెక్కుతున్న ఈ మూవీ పై భారీ అంచనాలు నెలకొన్నాయి. బోయపాటి శ్రీను తన స్టైల్ లో ఈ మూవీ ను తెరకెక్కిస్తున్నారు. ఈ మూవీ లో అందాల భామ శ్రీలీల హీరోయిన్ గా నటిస్తుంది. ఇప్పటికే ఈ సినిమా పై ప్రేక్షకుల్లో మంచి బజ్ క్రియేట్ అయ్యింది. పోస్టర్ దగ్గర నుంచి ప్రేక్షకులను ఆకట్టుకుంటుంది స్కంద. ఇక రీసెంట్ గా ఈ సినిమా ట్రైలర్ కూడా రిలీజ్ అయ్యింది.
రామ్ పోతినేని నటిస్తున్న మాస్ మసాలా మూవీ స్కంద. ఇస్మార్ శంకర్ మూవీ తర్వాత సరైన సక్సెస్ లేక సతమతం అవుతున్న రామ్ ఇప్పుడు బోయపాటి దర్శకత్వంలో మూవీ చేస్తున్నారు.
ఈ మూవీ ట్రైలర్ ప్రేక్షకులను విపరీతంగా ఆకట్టుకుంది. బోయపాటి శ్రీను స్టైల్ లో ఈ మూవీ ఉండనుందని ట్రైలర్ చూస్తే అర్ధమవుతుంది. ఇక ఈ ట్రైలర్ పై పలు ట్రోల్స్ కూడా వస్తూనే ఉన్నాయి . గతంలో బోయపాటి శ్రీను తెరకెక్కించిన ‘దమ్ము’ ‘సరైనోడు’ ‘జయ జానకి నాయక’ ‘వినయ విధేయ రామ’ మూవీ లు కలిపి ఈ సినిమాలో చూపించినట్టు ఉంది అంటూ ట్రోల్స్ వచ్చాయి. శ్రీనివాసా సిల్వర్ స్క్రీన్’ బ్యానర్ పై శ్రీనివాస చిట్టూరి ఈ మూవీ ను తెరకెక్కిస్తున్నారు. సెప్టెంబర్ 28న ఈ మూవీ గ్రాండ్ గా రిలీజ్ కానుంది. ఈ సినిమాను పాన్ ఇండియా మూవీగా రిలీజ్ చేయనున్నారు.
