బోయపాటి శ్రీను దర్శకత్వంలో ఎనర్జిటిక్ స్టార్ రామ్ పోతినేని హీరోగా, యంగ్ బ్యూటీ శ్రీలీల, సాయి మంజ్రేకర్ హీరోయిన్లుగా నటించిన తాజా మూవీ స్కంద. ఈ భారీ పాన్ ఇండియా సినిమా ని శ్రీనివాస సిల్వర్ స్క్రీన్ బ్యానర్ పై శ్రీనివాస చిట్టూరి నిర్మించారు. ఈ సినిమా కి మ్యూజిక్ సెన్సేషన్ ఎస్ఎస్ తమన్ గారు సంగీతాన్ని అందించారు. సెప్టెంబర్ 28వ తేదీన అంటే ఇవాళ ఈ సినిమా రిలీజ్‌ అయింది.
కాగా, ధమాకా తర్వాత ‘స్కంద’ సినిమా ద్వారా ప్రేక్షకులను పలకరించబోతుండడం సంతోషంగా ఉందని హీరోయిన్ శ్రీ లీల అన్నారు. ఈ మూవీ లో తాను రూల్స్ పాటించే అమ్మాయిగా నటించానని చెప్పారు. ఓవైపు మాస్, మరోవైపు క్లాస్ గా మూవీలో తాను కనిపిస్తానన్నారు. నటించేటప్పుడే కాదు డబ్బింగ్ సమయంలోనూ సినిమాను ఎంజాయ్ చేశానని, రామ్ తో తన కెమిస్ట్రీ బాగుంటుందని శ్రీ లీలా తెలిపారు. ఆయనలా డాన్స్ చేయడం కష్టమన్నారు.
