విక్టరీ వెంకటేష్ హీరోగా రూపొందుతోన్న కొత్త చిత్రం ఆదర్శ కుటుంబం. ట్యాగ్ లైన్ గా ‘హౌస్ నెం. 47, ఎ.కె. 47’ పెట్టడంతో సినిమాపై మొదటి నుంచే ఆసక్తి మొదలైంది. ఎప్పటి నుంచో వెంకటేష్, హారిక అండ్ హాసినీ వారితో ఓ సినిమాను చేయనున్నాడనే వార్త వచ్చి ఫిల్మ్ సర్కిల్స్లో చక్కర్లు కొట్టింది. ఎట్టకేలకి అదే నిజమై..ప్రస్తుతం ఈ క్రేజీ ప్రాజెక్ట్ సెట్స్ మీద ఉంది. మాటల మాంత్రీకుడు త్రివిక్రమ్ శ్రీనివాస్ దర్శకత్వం వహిస్తుండగా, వెంకీ సరసన ఇందులో కన్నడ బ్యూటీ శ్రీనిధి శెట్టి హీరోయిన్గా నటిస్తోంది.
ఆదర్శ కుటుంబం లేటెస్ట్ అప్డేట్:
ప్రస్తుతం ఈ మూవీ షెడ్యూల్ హైదరబాద్ పరిసర ప్రాంతాలలో శరవేగంగా షూటింగ్ జరుగుతోంది. టాకీ పార్ట్ ను త్రివిక్రమ్ ప్రధాన తారాగణంపై చిత్రీకరిస్తున్నాడు. ఈ నెల మూడవ వారం వరకూ ఈ షెడ్యూల్ జరపనున్నట్టుగా తెలుస్తోంది. గతంలో వెంకటేష్ నటించిన మల్లీశ్వరి, నువ్వు నాకు నచ్చావ్ చిత్రాలకి త్రివిక్రమ్ కథ, మాటల రచయిగా పనిచేసిన సంగతి తెలిసిందే. ఈ సినిమాలలో వెంకీ పాత్ర, డైలాగ్స్ ఇప్పటికీ గుర్తున్నాయంటే ప్రేక్షకులను అంతగా మెప్పించాడు త్రివిక్రమ్. ఇప్పుడు, వీరి కాంబోలో సినిమా అంటే సహజంగానే అంచనాలుంటాయి. ఆ అంచనాలకి ఏమాత్రం తగ్గకుండా త్రివిక్రమ్ రూపొందిస్తున్నాడు.
త్రివిక్రమ్ సినిమాలలో స్పెషల్ సాంగ్ విషయంలో స్పెషల్ కేర్ తీసుకుంటుంటారు. అందుకు, ఉదాహరణలుగా అత్తారింటికి దారేది సినిమాలో ఉన్న సాంగ్. గుంటూరు కారం, అల వైకుంఠపురములో సాంగ్స్ గురించి మాట్లాడుకోవచ్చు. వాటికి ఏమాత్రం తీసిపోకుండా ఓ స్పెషల్ సాంగ్ ను మే ఫస్ట్ వీక్ నుంచి షూట్ చేయబోతున్నట్టుగా తెలుస్తోంది. ఈ సాంగ్ కి డాన్స్ కొరియోగ్రాఫర్గా భాను మాస్టర్ వర్క్ చేయబోతున్నాడట. అంతేకాదు, ఎప్పుడూ థమన్..దేవిశ్రీప్రసాద్ లనే తన సినిమాకి ఎంచుకునే త్రివిక్రమ్..ఈసారి హర్ష వర్ధన్ రామేశ్వరన్ ని తీసుకోవడం ఆసక్తికరం.
స్పెషల్ సాంగ్ కోసం మరో హీరోయిన్?
మే ఫస్ట్ వీక్ నుంచి షూట్ చేయబోయే స్పెషల్ నంబర్ కోసం ఇప్పుడు బాగా క్రేజ్ ఉన్న హీరోయిన్ని ఎంపిక చేసినట్టుగా తెలుస్తోంది. ఆ బ్యూటీ శ్రీలీల అని కూడా ఫిల్మ్ సర్కిల్స్లో టాక్ వినిపిస్తోంది. ఇక, వెంకటేష్ సరసన హీరోయిన్గా నటిస్తున్న శ్రీనిధి శెట్టికి సౌత్లో బాగా పాపులారిటీ ఉంది. తెలుగులో నాని సరసన హిట్ 3లో నటించి ఆకట్టుకున్న ఈ కన్నడ బ్యూటీ..సిద్ధు జొన్నలగడ్డ సరసన తెలుసు కదా మూవీ చేసింది. ఇప్పుడు, ఏకంగా వెంకటేష్-త్రివిక్రమ్ మూవీ చేస్తుండటంతో టాలీవుడ్ ఇండస్ట్రీలో ఈ కన్నడ బ్యూటీ స్టార్ హీరోయిన్గా నిలబడటం ఖాయమని చెప్పుకుంటున్నారు.
